استانا تۇرعىنى بىرنەشە تاكسي جۇرگىزۋشىسىن سان سوقتىرعان
استانا قالاسى بايقوڭىر اۋدانىنىڭ پوليتسيا قىزمەتكەرلەرى جەدەل- ىزدەستىرۋ ءىس- شارالارى بارىسىندا الاياقتىقپەن اينالىسقان 31 جاستاعى ەر ادامدى انىقتادى. Indriver ءموبيلدى قوسىمشاسىن پايدالاناتىن تاكسي جۇرگىزۋشىلەرى كۇدىكتىنىڭ جابىرلەنۋشىلەرىنە اينالعان
بەلگىلى بولعانداي، جۇرگىزۋشىلەر ۇقساس جاعداي بويىنشا الدانعان. «كليەنت» ءموبيلدى قوسىمشا ارقىلى مەملەكەتتىك تىركەۋ ءنومىرىن بەلگىلى ءبىر مەكەنجايعا جىبەرۋ ءۇشىن تاكسي شاقىرادى. اڭگىمە بارىسىندا ول جۇرگىزۋشىگە جول اپاتىنا ۇشىراعانىن ايتىپ، شۇعىل تۇردە ءنومىردى جەتكىزۋدى وتىنەدى. سونىمەن قاتار، ءنومىردى الۋشى ونى جەتكىزگەن كەزدە اقشانى تولەيتىنىن ايتىپ، 25 مىڭ تەڭگە سۇرايدى. جۇرگىزۋشىلەر كەلىسەدى، ءبىراق كورسەتىلگەن مەكەنجايعا بارعاندا كۇتىپ الۋشىنى تاپپاي، تەلەفونى وشىرىلگەن «كليەنتكە» قوڭىراۋ شالىپ الەككە تۇسەدى.
قازىرگى ۋاقىتتا بارلىق جايتتەر بويىنشا ق ر ق ك- ءنىڭ 190-بابىمەن («الاياقتىق») قىلمىستىق ءىس جۇرگىزىلىپ جاتىر.
پوليتسەيلەر الاياقتىڭ ارەكەتىنەن زارداپ شەككەن تاكسي جۇرگىزۋشىلەرى تاعى كوپ بولۋى مۇمكىن ەكەنىن اتاپ ءوتتى.