ەۋروكوميسسيا فۋتبولدى زاڭسىز رەترانسلياتسيا جاسايتىندارمەن كۇرەستى كۇشەيتپەك
ال، حابار تاراتۋشىلار تىكەلەي ءەفيردى باقىلاۋدى قاتاڭداتۋدى تالاپ ەتىپ وتىر. بۇل تۋرالى قازاقپارات euronews كە سىلتەمە جاساپ حابارلايدى.
فۋتبول ماتچىن زاڭسىز سىلتەمە ارقىلى كومپيۋتەردەن كورۋ قيىندايدى. ەۋروكوميسسيا كونسەرتتەر مەن جارىستاردان تىكەلەي ترانسلياتسيا جاسايتىنداردىڭ جولىن كەسۋگە العاشقى قادام جاسادى. بريۋسسەل زاڭسىز ارنالاردى قارقىندى بۇعاتتاۋ جۇيەسىن ەنگىزۋدى ۇسىندى.
ەۋروكوميسسيا وكىلى يوحاننەس باركە جۇيەنى سپورتتىق جانە مادەني ءىس- شارا ۇيىمداستىرۋشىلارى باسقاراتىنىن ايتتى.
«بۇل - وتە ماڭىزدى تاقىرىپ، سەبەبى قۇقىق يەلەرى شىعىنعا باتىپ جاتىر. بۇل سالادا قۇقىق بۇزۋدى جەدەل توقتاتىپ وتىرۋ كەرەك، سەبەبى قۇندىلىق - تىكەلەي ەفيردە، ال ستريمينگ بىتكەن كەزدە قىزىعۋشىلىق تومەندەيدى، ءتىپتى جويىلىپ كەتەدى دەۋگە بولادى. مۇنداي ەرەكشەلىك انىق بايقالىپ كەلە جاتىر، سول سەبەپتى ءبىز ۇسىنىسىمىزدى جاريالادىق»، - دەپ اتاپ ءوتتى يوحاننەس باركە.
ءبىراق ترانسلياتسيانى جۇرگىزەتىن كوپتەگەن كومپانيا ءۇشىن مۇنداي ۇسىنىس جەتكىلىكسىز، سەبەبى ونىڭ ورىندالۋى مىندەتتى ەمەس. وزدەرىن «جاندى ەفيردەگى كونتەنت كواليتسياسى» دەپ اتايتىن حابار تاراتۋ توبى ەۋروكوميسسياعا حات جازىپ، بۇل ۇسىنىستى تولىقتىراتىن ناقتى شارا قابىلداۋدى تالاپ ەتتى.
«ءبىز ۇسىنىس ونلاين- دەلدالداردى شەكتەپ، زاڭسىز كونتەنت تۋرالى حابارلاماعا دەرەۋ ارەكەت ەتۋگە ماجبۇرلەيتىنىنە سەنبەيمىز» ، - دەلىنگەن حاتتا.
ءبىراق، تىكەلەي كورسەتىلىم جۇرگىزەتىن كوپتەگەن كومپانيا ءۇشىن بۇل ۇسىنىس جەتكىلىكسىز، سەبەبى ونىڭ ورىندالۋى مىندەتتەلمەيدى. «تىكەلەي ەفيردەگى كونتەنت كواليتسياسى» ەۋروكوميسسياعا حات جازىپ، وسى ۇسىنىستى تولىقتىراتىن ناقتى شارالار قابىلداۋدا تالاپ ەتكەن.
ال، ەۋروپارلامەنتتەگى پيراتتىق پارتيانىڭ كەيبىر دەپۋتاتتارى زاڭسىز ترانسلياتسيانى قىسقارتۋدىڭ ەڭ جاقسى ءتاسىلى - سپورتتىق ءىس- شارالاردى قاراۋعا «بارلىعىنا زاڭدى مۇمكىندىك» بەرۋ دەپ ەسەپتەيدى.
ەۋروكوميسسيا ءوز ۇسىنىسىنىڭ ناتيجەسىن 2025 -جىلى زەرتدەلەيدى.