قازاقستاندا شىلدەدە تەمەكى قىمباتتايدى

استانا. قازاقپارات – 1-شىلدەدەن باستاپ تەمەكى باعاسى قىمباتتايدى. بۇل تۋرالى «اشىق» ن ق ا پورتالىندا جاريالانعان قارجى ءمينيسترىنىڭ بۇيىرىق- جوباسىندا جازىلعان، دەپ حابارلايدى قازاقپارات.

«20 فيلترلى، فيلترسىز سيگارەتكە، پاپيروستارعا، سيگاريللالار مەن قىزدىرىلاتىن تەمەكىسى بار بۇيىمدارعا:

- 2023 -جىلعى 1-شىلدەدەن باستاپ 2023 -جىلعى 31-جەلتوقساندى قوسا العانعا دەيىن 710 تەڭگە؛

- 2024 -جىلعى 1-قاڭتاردان باستاپ 770 تەڭگە مولشەرىندە ەڭ تومەنگى بولشەك ساۋدا باعالارى بەلگىلەنسىن»، - دەلىنگەن بۇيىرىق- جوباسىندا.

مينيسترلىك تۇسىندىرمەسىنە ساي، تەمەكى ونىمدەرىنىڭ بولشەك ساۋداداعى شەكتى باعالارىنىڭ وسۋىنە مىنالار سەبەپ:

- 2023-2024 -جىلدارى اكسيز مولشەرلەمەسى % 14 كوتەرىلدى؛

- يمپورتتالاتىن شيكىزات پەن ماتەريالداردىڭ قۇنى ورتا ەسەپپەن % 20 ءوستى؛

- تەمەكى ونىمدەرىنىڭ شيكىزاتى مەن كومپونەنتتەرىنىڭ لوگيستيكاسى ەداۋىر كۇردەلەندى؛

- 2022 -جىلى ينفلياتسيا % 20,3 قۇرادى.

قۇجات 19-مامىرعا دەيىن كوپشىلىك تالقىلاۋدا بولادى.