جانىبەك ءالىمحان ۇلى جىل نوكاۋتىن جاساۋعا ۋادە ەتتى
21:12, 03 - مامىر 2023
استانا. قازاقپارات - ورتا سالماقتا WBO چەمپيونى جانىبەك ءالىمحان ۇلى (13-0، 8 ك و) الداعى جەكپە-جەكتە نوكاۋتپەن جەڭىسكە جەتپەك، دەپ حابارلايدى Vesti.kz.
جانىبەك الداعى ايقاسىن 13- مامىر كاليفورنياداعى «ستوكتون-ارەنادا» كانادالىق ستيۆەن باتلەرگە (32-3-1، 26 ك و) قارسى وتكىزەدى. جەكپە-جەك 12 راۋندقا ەسەپتەلگەن.
«ينشااللاح، 13- مامىر رينگتە جىل نوكاۋتى بولادى. مەن دايىن. مەن قازىر باسقا دەڭگەيدەمىن. جاقىندا وزدەرىڭىز كورەتىن بولاسىزدار!» - دەپ جازىپتى ءالىمحان ۇلى Twitter جەلىسىندە.