ۇماي: قىز-كەلىنشەكتەرگە ارنالعان يپوتەكاعا ءوتىنىش قابىلداۋ باستالادى
بيىل گەندەرلىك باعدارلامانى نەسيەلەندىرۋگە 15,6 ميلليارد تەڭگە جۇمسالادى.
بۇل قاراجاتتى «ازيا دامۋ بانكى» ءۇشىنشى ترانش اياسىندا ءبولىپ وتىر.
«ۇماي» باعدارلاماسى ەكىنشى نەمەسە ءۇشىنشى تۇرعىن ءۇي ساتىپ الۋدى كوزدەپ وتىرعان، كىرىسى جوعارى ايەلدەرگە ارنالعان. بيىل ءبىز «ا د ب» - مەن بىرلەسىپ، «ۇماي» باعدارلاماسىنا تابىسى 200000 تەڭگەدەن اسپايتىن ايەلدەر دە قاتىسا الادى دەپ شەشتىك. ەگەر ولار تولەم قابىلەتتىلىگىن راستاسا، ەڭ تومەنگى 15 پايىز باستاپقى جارنامەن نەسيە الادى. ءبىز ولارعا بولىنگەن قاراجات اياسىندا جالپى نەسيەلەندىرۋدىڭ 20 پايىزعا جۋىعىن ءبولۋدى جوسپارلاپ وتىرمىز»، - دەپ ءتۇسىندىردى «وتباسى بانك» ا ق باسقارما ءتوراعاسى ءلاززات يبراگيموۆا.
«ا د ب» شارتتارىنا سايكەس استانا، الماتى، اقتاۋ جانە اتىراۋ قالالارىنا زاەمنىڭ جالپى كولەمىنىڭ 40 پايىز اسپايتىن بولىگىن نەمەسە 200 گە جۋىق نەسيە ءبولۋ جوسپارلانىپ وتىر. نەسيەنىڭ 60 پايىزى وبلىستار مەن شاعىن قالالاردىڭ تۇرعىندارىنا بەرىلمەك. ماقسات - وڭىرلەردەگى ايەلدەردى قولداۋ جانە نەسيەلەۋدە ديسپروپورتسيانى بولدىرماۋ.
باعدارلاما بويىنشا بەرىلەتىن زاەمنىڭ ەڭ جوعارعى قۇنى 30 ميلليون تەڭگەگە دەيىن. پايىزدىق مولشەرلەمە بيىل - 14,4 پايىز (ج ت س م - 15,4 پايىز باستاپ)، كەيىن ول 3,5 پايىزدان 5 پايىزعا دەيىن (ج ت س م - 3,6 پايىز باستاپ) تومەندەتىلەدى.
قارىز الۋ مەرزىمى – 6 ايدان 25 جىلعا دەيىن. بۇل رەتتە تۇرعىن ءۇي تاڭداۋدا شەكتەۋلەر جوق، ونى العاشقى جانە ەكىنشى نارىقتان، سونىڭ ىشىندە ۇلەستىك قاتىسۋ شارتتارى بويىنشا ساتىپ الۋعا بولادى. سونداي-اق، «ۇماي» بويىنشا باسپانانى جوندەۋ جۇمىستارىنا دا 3,7 ميلليون تەڭگەگە دەيىنگى مولشەردە قارىز الۋعا بولادى.
الەۋەتتى قارىز الۋشىنىڭ اي سايىنعى وتباسىلىق تابىسى 550000 تەڭگەدەن اسپاسا، ول 15 پايىزدىق باستاپقى جارنامەن نەسيە الا الادى. ال، وتباسىنىڭ ورتاق كىرىسى ايىنا 550001 تەڭگەدەن 640000 تەڭگەگە دەيىنگى ارالىقتا بولسا، وندا تۇرعىن ءۇيدى 20 پايىزدىق العاشقى جارنامەن الۋعا بولادى.
گەندەرلىك تەڭدىكتى جەتىلدىرۋگە نەگىزدەلگەن باعدارلامانى ىسكە اسىرۋعا «ا د ب» باس-اياعى 38 ميلليارد تەڭگە كولەمىندە قاراجات ءبولىپ وتىر. 2021 -جىلى «ۇماي» باعدارلاماسى باستالعان كەزدە، ءبىرىنشى ترانش اياسىندا، جالپى كولەمى 8,4 ميلليارد تەڭگەگە 954 قازاقستاندىق قىز-كەلىنشەك قارىز العان بولاتىن. 2022 -جىلى 14 ميلليارد تەڭگە ءبولىندى. بۇل قاراجاتقا 1119 قىز-كەلىنشەك باسپانالى بولدى.