قازاقستان عالىمدارى اۆتوجول قۇرىلىسى بويىنشا قىتايدىڭ تاجىريبەسىمەن تانىستى - فوتو

استانا. قازاقپارات - قازاقستان مەن قىتايدىڭ جول سالاسى ماماندارى ءوزارا ارىپتەستىك جونىندەگى مەموراندۋمعا قول قويدى، دەپ حابارلايدى قازاقپارات يندۋستريا جانە ينفراقۇرىلىمدىق دامۋ مينيسترلىگىنىڭ رەسمي سايتىنا سىلتەمە جاساپ.

قازاقستان جول عىلىمي- زەرتتەۋ ينستيتۋتىنىڭ ساراپشىلارى قىتايعا بارىپ، كورشىلەس ەلدىڭ جول قۇرىلىسى سالاسىن نورماتيۆتىك تۇرعىدا رەتتەۋ، جوبالاۋ، قۇرىلىستى جۇرگىزۋ، جولدى پايدالانىپ، اۆتوجول قۇرىلىسىنداعى ەكونوميكاسىمەن تانىسىپ جاتىر. بۇعان قوسا، قازاقستاندىق ماماندار قىتاي حالىق رەسپۋبليكاسىنىڭ جول قۇرىلىسى سالاسىنداعى تەحنيكالىق بازاسىمەن جاقىنىراق تانىسۋعا مۇمكىندىك الادى.

جۇمىس بارىسىنداعى كەزدەسۋلەردىڭ بىرىندە ينستيتۋت وكىلدەرى تسزيانسۋ كولىك ينستيتۋتىمەن (Jiangsu Transportation Institute) ىنتىماقتاستىق تۋرالى مەموراندۋمعا قول قويدى.

«JSTI- مەن ارادا ىنتىماقتاستىق تۋرالى مەموراندۋمعا قول قويىلىپ، ەكى ەلدىڭ جول- زەرتتەۋ ينستيتۋتىن قۇرىپ، ۇيىمداستىرۋ ماسەلەلەرى تالقىلاندى. قىتايداعى نورماتيۆتىك- تەحنيكالىق بازانى رەفورمالاۋ ماسەلەلەرى قارالىپ، جاڭا تەحنولوگيالاردى ەنگىزۋ ءتارتىبى زەرتتەلدى. سونداي- اق، تىعىز ىنتىماقتاستىقتى ارتتىرۋ جونىندەگى الداعى جوسپارلار پىسىقتالدى»، - دەدى «قازجول ع ز ي» ا ق دەپارتامەنت ديرەكتورى دەدى اسەل نۇعمانوۆا.

ايتا كەتسەك، «قازجول ع ز ي» ا ق ەلىمىزدەگى اۆتوجول سالاسىنىڭ نورماتيۆتىك- تەحنيكالىق بازاسىن رەفورمالاۋ بويىنشا جۇمىستاردى جۇرگىزىپ كەلەدى. ۇيىمنىڭ ساراپشىلارى جاڭا تەحنولوگيالار مەن الەمدىك تاجىريبەنى ەسكەرە وتىرىپ، جول سالاسىنىڭ نورماتيۆتىك بازاسىنىڭ جاڭا قۇرىلىمىن ازىرلەپ جاتىر. اتالعان مىندەت تاياۋ جانە الىس شەت ەلدەردىڭ وزىق تاجىريبەسى نەگىزىندە جۇزەگە اسىرىلماق. وسىعان بايلانىستى جوعارىدا اتالعان مەموراندۋم جاساۋ بويىنشا باستاما كوتەرىلدى.

جول سالاسىنىڭ ساراپشىلارى كەيىنگى 10 جىلدا ق ح ر-دا جول قۇرىلىسى ساپاسىنىڭ ايتارلىقتاي ارتقانىن اتاپ ءوتتى. قىتايدىڭ جۇردەك اۆتوموبيل جولدارى مەن باسقا دا جوعارى دەڭگەيلى اۆتوكولىك جولدارىن جىلدام دامىتۋدا تاجىريبەسى مول.