ەلوردادا مەملەكەتتىك تۋدى استىن ۇستىنە قاراتىپ تەرىس ءىلىپ قويعان - اكىمدىك تۇسىنىك بەردى
11:11, 30 - ءساۋىر 2023
استانا. قازاقپارات - الماتى اۋدانىنىڭ اكىمدىگى ەلورداداعى وتان قورعاۋشىلار الاڭىندا تەرىس ىلىنگەن مەملەكەتتىك تۋعا قاتىستى تۇسىنىك بەردى، دەپ حابارلايدى قازاقپارات ءتىلشىسى.
«اتالعان ماسەلە بويىنشا سىن-ەسكەرتپە ەسكەرىلىپ، تۋ قايتا ءىلىندى. قازىرگى ۋاقىتتا تۋ ءتيىستى تارتىپتە، ياعني استى ۇستىنە قاراتىلىپ قايتا ورناتىلعان. مەردىگەرلىك ۇيىمعا كەلىسىمشارت مىندەتتەمەلەرىن ساپاسىز ورىنداعانى ءۇشىن قاجەتتى شارالار قابىلدانادى. سونداي-اق، مەردىگەر مەكەمەنىڭ باسشىلىعىمەن پروفيلاكتيكالىق اڭگىمە وتكىزىلدى»، - دەلىنگەن الماتى اۋدانى اكىمدىگىنىڭ باسپا ءسوز قىزمەتى تاراتقان حابارلامادا.
ەسكە سالايىق، بۇگىن جەلىلەردە باس شاھارداعى وتان قورعاۋشىلار الاڭىندا تۋدى استىن ۇستىنە قاراتىپ، تەرىس ىلىنگەنى كورسەتىلگەن فوتو مەن ۆيدەو جاريالانعان ەدى.