ەتنوسارالىق ساياسات ەلدەگى رەفورمالارمەن ۇندەس بولۋعا ءتيىس - توقايەۆ
«قازىر دۇنيەجۇزىندەگى احۋال تۇبەگەيلى وزگەرىپ جاتىر. جاڭا باسىمدىقتار پايدا بولۋدا. سىرتتان تونگەن سىن-قاتەردىڭ بەتىن قايتارۋ اسا وزەكتى ماسەلەگە اينالدى. مەملەكەتتەر ءۇشىن ەگەمەندىكتى قورعاۋدىڭ، ۇلتتىق بىرەگەيلىكتى ساقتاۋدىڭ ماڭىزى ارتا ءتۇستى. بۇل رەتتە، ەتنوساياسات بايىپپەن جۇرگىزىلۋى كەرەك. ياعني تاتۋلىق پەن بىرلىك - تابىستى مەملەكەت بولۋدىڭ باستى كەپىلى. سەسسيا اياسىندا كەشە ناقتى ماسەلەلەرگە ارنالعان پىكىرتالاس وتكەنىن بىلەمىن. ەتنوساياساتتا جاھاندىق جانە ايماقتىق ۇدەرىستەر ەسكەرىلۋگە ءتيىس ەكەنى ايتىلدى»، - دەدى قاسىم-جومارت توقايەۆ.
پرەزيدەنتتىڭ پايىمىنشا، بۇل - وتە ورىندى ۇسىنىس.
«ەتنوسارالىق قاتىناس ماسەلەسىن زامان تالابىنا ساي رەتتەۋ قاجەت. بۇل جۇمىس اۋقىمدى رەفورمالارمەن ۇندەس بولۋعا ءتيىس»، - دەدى مەملەكەت باسشىسى.
سونداي-اق، پرەزيدەنت بۇگىنگى جيىندا سەپاراتيزم قاۋپى تۋرالى وي قوزعادى.