شىلدەدەن باستاپ كوممۋنالدىق قىزمەتتەر قانشا پايىزعا قىمباتتايدى؟
ۇلتتىق ەكونوميكا ءمينيسترى الىبەك قۋانتىروۆ ءتاريفتىڭ نەشە پايىزعا كوتەرىلەتىنىن مالىمدەدى.
مينيستر جۋرناليستەردىڭ ساۋالىنا قاراي، بيىلعى شىلدە ايىنان ەلەكتر ەنەرگياسىنىڭ ءتاريفى قىمباتتايتىنىن ناقتىلادى.
«بۇل كەيبىر ايماقتاردا 10 پايىزدان باستالىپ، 30 پايىزعا دەيىن كوتەرىلۋى مۇمكىن. جىلۋدىڭ جاڭا باعاسى جىلۋ بەرۋ ماۋسىمى باستالعاندا قوسىلادى. ەسكەرەتىن جايت، تاريف مولشەرى ءار وڭىردە ءارتۇرلى بەكىتىلەدى»، - دەدى الىبەك قۋانتىروۆ.
مينيسترلىك جەتەكشىسى ايتقانداي، بۇگىندە تۇرعىن ءۇي- كوممۋنالدىق شارۋاشىلىعى سالاسىندا ەڭبەك ەتەتىن جۇمىسشىلاردىڭ دا جالاقىسىن كوتەرۋ كەزەك كۇتتىرمەيدى. سەبەبى جالاقىنىڭ ازدىعىنان ماماندار جۇمىستان كەتىپ جاتىر.
الىبەك قۋانتىروۆ ەل اۋماعىندا جىلۋ بەرۋ جەلىلەرى 85 پايىزعا دەيىن توزعانىن ەسكە سالىپ، پروبلەمانى شەشۋ ءۇشىن ءتاريفتى كوتەرۋ قولعا الىنعانىن اتاپ ءوتتى.