تاجىك- اۋعان شەكاراسىندا حالىقارالىق لاڭكەستىك ۇيىم مۇشەلەرىنىڭ كوزى جويىلدى
09:06, 27 - ءساۋىر 2023
دۋشانبە. قازاقپارات - تاجىكستاننىڭ اۋعانستانمەن مەملەكەتتىك شەكاراسىن زاڭسىز كەسىپ وتپەك بولعان حالىقارالىق لاڭكەستىك ۇيىم مۇشەلەرىنىڭ كوزى جويىلدى، دەپ حابارلايدى قازاقپاراتتىڭ مەنشىكتى ءتىلشىسى.
تاجىكستان رەسپۋبليكاسى سىرتقى ىستەر مينيسترلىگىنىڭ مالىمەتى بويىنشا، 26-ساۋىردە حالىقارالىق لاڭكەستىك ۇيىمنىڭ ەكى مۇشەسى تاجىكستان اۋماعىندا لاڭكەستىك ارەكەت جاساۋ ماقساتىندا تاجىكستان رەسپۋبليكاسىنىڭ تاۋلى باداحشان اۆتونوميالى وبلىسىنداعى مەملەكەتتىك شەكارا سىزىعىن زاڭسىز كەسىپ وتكەن.
«ەكى لاڭكەستى دە تاجىكستان قۇقىق قورعاۋ ورگاندارى ۇستادى، ال تەررورشىلار مەن ولاردىڭ قولداۋشىلارىنىڭ جوسپارى بۇزىلدى»، - دەپ حابارلادى س ءى م.
تاجىكستان رەسپۋبليكاسى س ءى م شەكارانى بۇزۋ جانە تەرروريزم اكتىلەرىنە الاڭداپ وتىرعانىن ءبىلدىرىپ، تاجىكستان شەكاراسى بارىنشا قورعالاتىنىن جانە ەلدىڭ قارۋلى كۇشتەرى ونى بۇزباق بولعان بارلىق تۇلعا مەن توپتارعا دەر كەزىندە جانە لايىقتى تويتارىس بەرەتىنىن مالىمدەدى.
ماديبەك جانىبەكوۆ