ءاليحان سمايىلوۆ رەسمي ساپارمەن يرانعا باردى
17:57, 26 - ءساۋىر 2023
تەگەران. قازاقپارات – ق ر پرەمەر-ءمينيسترى ءاليحان سمايىلوۆ يران يسلام رەسپۋبليكاسىنا رەسمي ساپارمەن باردى.
قازاقپارات بۇل تۋرالى ۇكىمەتتىڭ رەسمي Telegram-كانالىنا سىلتەمە جاساپ حابارلايدى.
«تەگەراندا ۇكىمەت باسشىسى يراننىڭ ءبىرىنشى ۆيتسە-پرەزيدەنتى موحامماد موحبەرمەن كەزدەسۋ وتكىزەدى. كەزدەسۋ بارىسىندا تاراپتار ەكى ەل ىنتىماقتاستىعىنىڭ وزەكتى ماسەلەلەرىن تالقىلايدى.
photo كەلىسسوزدەر قورىتىندىسى بويىنشا ءبىرقاتار ۆەدومستۆوارالىق جانە كوممەرتسيالىق قۇجاتقا قول قويىلادى دەپ كۇتىلۋدە. سونداي-اق ءاليحان سمايىلوۆ يران پرەزيدەنتى يبراحيم رايسيمەن دە كەزدەسەدى»، - دەلىنگەن مالىمەتتە.
اتاپ وتەتىن جايت، ق ر پرەمەر-ءمينيسترىنىڭ ساپارى اياسىندا 24-26- ءساۋىر ارالىعىندا قازاقستاننىڭ يرانداعى ءۇشىنشى ساۋدا-ەكونوميكالىق ميسسياسى وتۋدە. وعان تاماق، حيميا، قۇرىلىس، جەڭىل ونەركاسىپ جانە مەتاللۋرگيا بويىنشا 20 وتاندىق تاۋار ءوندىرۋشى قاتىسىپ جاتىر.