جاڭا وقۋ جىلىندا تالاپكەرلەردى جوعارى وقۋ ورىندارىنا قابىلداۋ كۆوتاسى بەكىتىلەدى

استانا. قازاقپارات - جاڭا وقۋ جىلىنا ارنالعان تالاپكەرلەردى جوعارى وقۋ ورىندارىنا قابىلداۋ كۆوتاسىنىڭ مولشەرى بەكىتىلۋى مۇمكىن. بۇل تۋرالى عىلىم جانە جوعارى ءبىلىم ءمينيسترىنىڭ بۇيىرىق- جوباسى «اشىق» ن ق ا پورتالىندا جاريالاندى، دەپ حابارلايدى قازاقپارات ءتىلشىسى.

«بەكىتىلگەن مەملەكەتتىك ءبىلىم بەرۋ تاپسىرىسىنان جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا ءتۇسۋ كەزىندە قابىلداۋ كۆوتاسىنىڭ مولشەرى بەكىتىلسىن»، - دەلىنگەن بۇيرىق- جوباسىندا.

قۇجاتقا ساي، جاڭا وقۋ جىلىنان باستاپ ءبىلىم بەرۋ ۇيىمدارىنا وقۋعا ءتۇسۋ كەزىندە قابىلداۋ كۆوتاسى مىنا مولشەردە بەكىتىلدى:

1. ءبىرىنشى نەمەسە ەكىنشى توپتاعى مۇگەدەكتىگى بار ادامدار، بالا كەزىنەن مۇگەدەكتىگى بار ادامدار، مۇگەدەكتىگى بار بالالار اراسىنان شىققان ازاماتتار ءۇشىن -%1؛

2. باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، جەڭىلدىكتەر بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر ءۇشىن -%0,5؛

3. اۋىلدىڭ الەۋمەتتىك- ەكونوميكالىق دامۋىن ايقىندايتىن ءبىلىم بەرۋ باعدارلامالارى بويىنشا وقۋعا اۋىل جاستارى اراسىنان شىققان ازاماتتار ءۇشىن -5؛

4. ق ر ازاماتتارى بولىپ تابىلمايتىن ۇلتى قازاق ادامدار ءۇشىن - %4؛

5. جەتىم بالالار جانە اتا- انالارىنىڭ قامقورلىعىنسىز قالعان بالالار، سونداي- اق كامەلەتتىك جاسقا تولعانعا دەيىن اتا- اناسىنان ايىرىلعان نەمەسە اتا- اناسىنىڭ قامقورلىعىنسىز قالعان جاستار قاتارىنداعى ق ر ازاماتتارى ءۇشىن -%1؛

6. ق ر ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان ق ر ازاماتتارى ءۇشىن -%5؛

7. كامەلەتكە تولماعان ءتورت جانە ودان كوپ بالا تاربيەلەپ وتىرعان وتباسىلارداعى بالالار ءۇشىن - %5؛

8. كەمىندە ءۇش جىل تولىق ەمەس وتباسى مارتەبەسى بار وتباسىلارداعى بالالار ءۇشىن - %1؛

9. بالا كەزىنەن مۇگەدەكتىگى بار بالالاردى، ءبىرىنشى نەمەسە ەكىنشى توپتاعى مۇگەدەكتىگى بار ادامداردى تاربيەلەپ وتىرعان وتباسىلارداعى بالالار ءۇشىن -%1.

مينيستر بۇيرىعى 15-مامىرعا دەيىن كوپشىلىك تالقىلاۋدا بولادى.