زەينەتكەر ۇيىنە جاس قىزدى ەرتىپ كەلىپ، كۇتپەگەن وقيعاعا تاپ بولدى
16:29, 26 - ءساۋىر 2023
استانا. قازاقپارات - جەتىسۋ وبلىسىندا زەينەتكەردىڭ ۇيىنە كەلگەن قوناق تەلەفونىن ۇرلاپ كەتكەن، - دەپ حابارلايدى وبلىستىق پوليتسيا دەپارتامەنتىنىڭ باسپا ءسوز قىزمەتى.
78 جاستاعى ۇشتوبە تۇرعىنىنىڭ سوزىنشە، جاڭبىرلى كۇنى كۇدىكتى قارتتىڭ ۇيىنە قوناق بولۋعا ءوزى سۇرانعان. قوناق قىز كەتكەننەن كەيىن ءۇي يەسى ۇيالى تەلەفونىن ەشبىر جەردەن تاپپاي، جوعالعانىن بايقاعان.
قاراتال اۋداندىق پوليتسيا قىزمەتكەرلەرى ءبىر تاۋلىك ىشىندە ءدال وسىنداي قۇقىقبۇزۋشىلىق ءۇشىن بۇرىن قىلمىستىق جاۋاپكەرشىلىككە تارتىلعان كۇدىكتىنى ۇستادى.
«پوليتسيا قىزمەتكەرلەرى ءوتىنىشىمدى كەيىنگە قالدىرماي، جىلدام قاراستىرىپ، ۇرلىقتى تەز ارادا اشقانىنا وتە قۋانىشتىمىن. ۇرلانعان تەلەفون قايتارىلدى. پوليتسەيلەرگە كاسىبي جۇمىسى ءۇشىن العىس ايتامىن»، - دەيدى قاريا.
كۇدىكتى ءوز كىناسىن تولىق مويىنداعان.