ءساۋىردىڭ اياعىندا اۋا رايى قانداي بولادى؟

استانا. قازاقپارات - سينوپتيكتەر 27-29- ساۋىرگە ارنالعان اۋا رايى بولجامىن جاريالادى، - دەپ حابارلايدى قازاقپارات ءتىلشىسى.

الداعى كۇندەرى اتموسفەرالىق فرونتال بولىمدەر باتىس، سولتۇستىك-باتىس، شىعىس باعىتتا جىلجىپ، ەلىمىزدىڭ سولتۇستىك، ورتالىق جانە شىعىس ايماقتارىندا نايزاعاي ويناپ، جاڭبىر جاۋادى.

«رەسپۋبليكا بويىنشا جەل كۇشەيەدى، باتىستا، وڭتۇستىك وڭىرلەردە شاڭدى داۋىلدار سوعادى»، - دەلىنگەن حابارلامادا.

كۇندىز اۋا تەمپەراتۋراسى باتىس وڭىرلەردە 23-33 گرادۋس جىلىعا دەيىن، وڭتۇستىكتە 27-35 گرادۋس جىلىعا دەيىن، وڭتۇستىك-شىعىستا 23-30 گرادۋس جىلىعا دەيىن بىرتىندەپ جوعارىلايدى. 27-28- ساۋىردە ەلىمىزدىڭ قالعان بولىگىندە قازىرگى تەمپەراتۋرا ساقتالادى، ءبىراق 29- ساۋىردە تۇندە 2-10 گرادۋس جىلىعا دەيىن، كۇندىز 10-18 گرادۋسقا دەيىن تومەندەيدى.