قازاقستاندان ەكى جاڭا بانك قۇرىلۋى مۇمكىن
«قازىر ميكروقارجى ۇيىمدارى ەكىنشى دەڭگەيلى بانكتەر رەتىندە قۇرىلۋى مۇمكىن. بىزدە ەكىنشى دەڭگەيلى بانك رەتىندە قۇرىلۋعا تالپىنىپ وتىرعان ەكى ءىرى ميكروقارجى ۇيىمى بار، ولار - KMF جانە Solva ميكروقارجى ۇيىمدارى. ولاردىڭ قوماقتى سوماداعى پورتفەلى بار. كاپيتالدارىنىڭ جەتكىلىكتى دەڭگەيى قازىردىڭ وزىندە بانك رەتىندە تىركەلۋگە مۇمكىندىك بەرىپ وتىر»، - دەدى ءمادينا ءابىلقاسىموۆا ماجىلىستە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، بىلتىر ءتيىستى كونۆەرتاتسيا جاساۋعا مۇمكىندىك بەرەتىن ءتيىستى زاڭنامالىق تۇزەتۋلەر قابىلدانعان.
«ءوتىنىش بەرىپ، بانك ليتسەنزياسىن الۋعا بولادى. جاڭا بانكتەردىڭ پايدا بولۋىنا قاتىستى توقتالساق، ءبىز جاڭا بانكتەردى اشۋ تالاپتارىن جەڭىلدەتۋ ماقساتىندا بانك جۇيەسى تۋرالى زاڭناماعا تۇزەتۋلەر ازىرلەپ جاتىرمىز. وسى تۇزەتۋلەر قابىلدانعاننان كەيىن، قازاقستاندا بانك اشۋعا تالپىنعاندار كوبەيەدى دەپ سانايمىز»، - دەدى م. ءابىلقاسىموۆا.