قازاقستاندىق عالىم ءتىس جەگىسىن وتاسىز ەمدەيتىن تەحنولوگيا ويلاپ تاپتى
«بولاشاق» تۇلەگى، PhD، بيولوگ- گەنەتيك باۋىرجان ايتۋوۆ ارىپتەستەرىمەن بىرگە بۇزىلعان ەمالدى قالپىنا كەلتىرۋ ءۇشىن امين قىشقىلدارىنان امەلوگەنين اقۋىزىن جاساندى تۇردە سينتەزدەگەن. ونىڭ ايتۋىنشا، ونى كاريەستىڭ العاشقى ساتىسىندا تىسكە تامىزسا، ءبىر اي ىشىندە ءتىس ءەمالى قالپىنا كەلەدى. وسىلايشا، ءدارى ءتىس جەگىسىن بۇرعىلاۋسىز، وتاسىز ەمدەۋگە مۇمكىندىك بەرەدى.
ونەرتاپقىشتىڭ InnoDent تەحنولوگياسى پاتەنتتەلگەن. بۇگىنگى تاڭدا بۇل پرەپارات الماتى مەن استانانىڭ ءتىس ەمحانالارىندا پايدالانىلىپ ءجۇر. تەك قازاقستاندا عانا ەمەس، شەتەلدە دە قولدانىلىپ جاتىر.
ايتا كەتسەك، باۋىرجان ايتۋوۆ «بولاشاق» باعدارلاماسىمەن يورك ۋنيۆەرسيتەتىندە گەنەتيكا سالاسىنداعى باكالاۆر دارەجەسىن الدى. قازاقستانعا ورالعاننان كەيىن وقۋىن ل. گۋميليەۆ اتىنداعى ە ۇ ۋ- دا جالعاستىرىپ، وندا ماگيستر جانە كەيىننەن دوكتور دارەجەسىن قورعادى. 2011-2014 -جىلدارى نازاربايەۆ ۋنيۆەرسيتەتىندە قىزمەت ەتكەن.