الماتى وبلىسىندا اعاشقا سوعىلعان كولىك ەكىگە ءبولىنىپ كەتتى
15:58, 25 - ءساۋىر 2023
قونايەۆ. قازاقپارات - الماتى وبلىسىندا اعاشقا سوعىلعان كولىك ەكىگە ءبولىنىپ كەتتى. جانتۇرشىگەرلىك اپاتتىڭ ۆيدەوسى جەلىگە جاريالاندى، دەپ حابارلايدى قازاقپارات ءتىلشىسى.
«مىنە، اعاشقا سوعىلعان كولىكتىڭ جارتىسى ءبىر جاقتا، ەكىنشى جارتىسى ءبىر جاقتا جاتىر. اباي بولىڭىزدار. جىلدامدىقتى اسىرساڭىزدار، جاعداي وسىلاي بولادى»، - دەيدى ۆيدەونى تۇسىرگەن اۆتور.
كولىك اپاتى الماتى-بىشكەك تاسجولىنىڭ 33-شاقىرىمىندا بولعان.
«24- ءساۋىر كۇنى «مەرسەدەس» كولىگىنىڭ 61 جاستاعى جۇرگىزۋشىسى رولگە يە بولا الماي، اعاشقا سوعىلعان. سالدارىنان جۇرگىزۋشى ءتۇرلى دەنە جاراقاتىن الىپ، قاسكەلەڭدەگى ورتالىق اۋداندىق اۋرۋحاناعا ءتۇستى. كولىك اپاتىنىڭ ءمان-جايى انىقتالىپ جاتىر»، - دەپ حابارلادى الماتى وبلىستىق پوليتسيا دەپارتامەنتى باسپا ءسوز قىزمەتى.