قازاقستان ەلشىسى قىتاي ءتوراعاسىنا سەنىم گراموتاسىن تاپسىردى
20:36, 24 - ءساۋىر 2023
بەيجىڭ. قازاقپارات - بۇگىن قازاقستاننىڭ قىتايداعى ەلشىسى شاحرات نۇرىشيەۆ قىتاي حالىق رەسپۋبليكاسىنىڭ ءتوراعاسى شي جينپيڭگە سەنىم گراموتاسىن تاپسىردى.
قازاقپارات بۇل تۋرالى ق ر سىرتقى ىستەر مينيسترلىگىنە سىلتەمە جاساپ حابارلايدى.
«سالتاناتتى ءراسىم شەڭبەرىندەگى قىسقاشا اڭگىمەلەسۋ بارىسىندا ق ح ر ءتوراعاسى قازاقستان پرەزيدەنتى قاسىم-جومارت توقايەۆقا جىلى سالەمىن جەتكىزدى. قىتاي باسشىسى ەلشىگە ەكى ەل اراسىنداعى ماڭگىلىك جان-جاقتى ستراتەگيالىق ارىپتەستىكتى ودان ءارى تەرەڭدەتۋ ماقساتىنداعى ەڭبەگىنە ساتتىلىك تىلەدى.
ءوز كەزەگىندە ش. نۇرىشيەۆ مەملەكەت باسشىسىنىڭ ىزگى تىلەكتەرىن جەتكىزە وتىرىپ، قازاقستاننىڭ ەلشىسى لاۋازىمىندا ەكىجاقتى ستراتەگيالىق ارىپتەستىكتى جاڭا ساپالى دەڭگەيگە كوتەرۋ ءۇشىن بارلىق كۇش-جىگەرىن سالاتىنىنا سەندىردى»، - دەلىنگەن س ءى م مالىمەتىندە.