الماتىدا اۆتوبۋس جۇرگىزۋشىسىنە پىشاق الا جۇگىرگەن كۇدىكتى ۇستالدى
الماتى قالالىق پوليتسيا دەپارتامەنتى، قوعامدىق كولىك جۇرگىزۋشىسىمەن جانجالداسىپ قالعان ۆاز كولىگىنىڭ جۇرگىزۋشىسى ۇستالعانىن ءمالىم ەتتى. ول - 2004-جىلى تۋعان، ج. ەسىمدى ازامات. جامبىل وبلىسىنىڭ تۇرعىنى.
اتالعان دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 293-بابى - بۇزاقىلىق بويىنشا تىركەلدى.
«قىلمىستىق ءىس بويىنشا ءوندىرىستى جەتىسۋ اۋداندىق پوليتسيا باسقارماسى جۇرگىزىپ جاتىر. ق ر ق پ ك- ءنىڭ 201-بابىنا سايكەس تەرگەۋ مۇددەسىنە وراي وزگە مالىمەتتەر جاريا ەتۋگە جاتپايدى»، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتىنەن.
ەسكە سالايىق، 21- ءساۋىر كەشكى ساعات 19:30 شاماسىندا رايىمبەك داڭعىلى مەن تورەتاي كوشەسىنىڭ قيىلىسىندا اۆتوبۋس جۇرگىزۋشىسى مەن «جيگۋلي» كولىگىنىڭ جۇرگىزۋشىسى اراسىندا جانجال تۋىندادى.
پوليتسيا وكىلدەرىنىڭ ايتۋىنشا، ولار جولعا تالاسقان.
وقيعا كۋاگەرلەرىنىڭ سوزىنشە، 50№ اۆتوبۋس جۇرگىزۋشىسىنە جەڭىل كولىكتە وتىرعان ءبىر توپ جىگىت پىشاقپەن شابۋىل جاساعان.