كورەيا رەسەي مەن بەلارۋسكە ساتپايتىن تاۋارلارىنىڭ ءتۇرىن كوبەيتەدى

استانا. قازاقپارات - وڭتۇستىك كورەيا رەسەي مەن بەلارۋس ەلىنە ساتۋعا شەكتەۋى بار تاۋارلار ءتىزىمىن كەڭەيتە تۇسپەك. بۇل تۋرالى رەسپۋبليكانىڭ ساۋدا، ونەركاسىپ جانە ەنەرگەتيكا مينيسترلىگى ءمالىم ەتتى.

مالىمدەمەگە سايكەس، قازىرگى تاڭدا ەلدە ەكسپورتقا شىعارىلمايتىن تاۋار سانى 800 گە جۋىقتاپ قالعان. شەكتەۋدىڭ جاڭا ەرەجەسى وسى جۇمادا، ءساۋىردىڭ 28- كۇنى كۇشىنە ەنەدى. جاڭا تىزىمدە قۇرىلىس جانە ونەركاسىپ سالاسىنىڭ جابدىقتارى، وزگە حيميالىق زاتتار بار. سونىمەن قاتار كەي تەحنيكا تۇرلەرىنە، كومپيۋتەرلەرگە شەكتەۋ قويىلعان.

قۇنى 50 مىڭ دوللاردان اساتىن كولىك بولشەكتەرىن دە ساتۋعا رۇقسات جوق. جاڭا شەكتەۋلەرگە قاتىستى شەشىم اقپان ايىنىڭ سوڭىندا قابىلدانعان ەكەن.

www.24.kz