دارىگەر ۇيىقتار الدىندا قارىننىڭ اشۋى قانداي اۋرۋدىڭ بەلگىسى ەكەنىن ايتتى

استانا. قازاقپارات - ەگەر ءسىز ءتۇن ورتاسىندا ويانساڭىز جانە قارنىڭىز اشىپ جاتسا، بۇل تۋرالى ويلانىڭىز. دارىگەرلەردىڭ ايتۋىنشا، مۇنداي ادەت كەز كەلگەن جاعدايدا قالىپتى ەمەس.

ەندوكرينولوگ الەكسەي جيتونىڭ ايتۋىنشا، ادامنىڭ تۇندە تاماققا تابەتىنىڭ اشىلۋىنا ءتۇرلى سەبەپ بولۋى مۇمكىن: سترەسس، دۇرىس تاماقتانباۋ نەمەسە كۇندەلىكتى رەجيم. دەگەنمەن، ءجيى مۇنداي ادەت ءوسۋ گورمونىنىڭ جۇمىسىنداعى بۇزىلۋلارمەن بايلانىستى بولۋى مۇمكىن. جانە بۇل ەندوكرينولوگتىڭ قابىلداۋىنا بارۋدىڭ سەبەبى.

الەكسەي جيتو ايتقانداي، سوماتوتروپتى گورمون (س ت گ) نەمەسە ءوسۋ گورمونى ەڭ ماڭىزدى ومىرلىك فۋنكتسيالاردى رەتتەۋگە جاۋاپ بەرەدى - بۇكىل ەندوكريندىك جۇيەنى باسقارۋ. اتاپ ايتقاندا، بۇل گورمون:

• مەتابوليكالىق پروتسەستەرگە، ماي قىشقىلدارىنىڭ الماسۋىنا اسەر ەتەدى؛

• سۇيەك ءتىنىنىڭ بەرىكتىگىن قامتاماسىز ەتەدى؛

• بۇلشىق ەتتەردىڭ كۇيىن باقىلايدى.

«ۇيقى كەزىندە ءوسۋ گورمونى دەنەدە جيناقتالعان مايدىڭ ىدىراۋىنا ىقپال ەتىپ، ونى ەنەرگياعا اينالدىرادى. بىردەڭە دۇرىس بولماسا، ءتۇن ورتاسىندا اشتىقتان ويانامىز. ەگەر گورمون مايلاردى ىدىراتپاسا جانە ءسىز تۇندە قارنىڭىز اشسا، ارتىق سالماق پايدا بولادى، سودان كەيىن ءبىرقاتار باسقا اۋرۋلارعا شالدىعاسىز»، - دەپ ءتۇسىندىردى مامان ءوزىنىڭ تەلەگرام-كانالىندا.

تاعى نە كومەكتەسەدى؟

الەكسەي جيتو تۇندە تاعامداردان باس تارتۋعا كومەكتەسەتىن تاعى ءتورت كەڭەس بەردى.

• كۇن ءتارتىبىن قالىپقا كەلتىرۋگە تىرىسىڭىز، ەرتە ۇيىقتاڭىز؛

• سترەسستەن ارىلىڭىز؛

• كەشكە كوپ تاماقتانباڭىز، اسىرەسە ۇيىقتار الدىندا ەكى ساعات بۇرىن؛

• كەشكە ءتاتتى جانە كراحمالدى تاعامداردى جەۋگە بولمايدى.