ەلدىڭ وڭتۇستىك ايماقتارىندا اياز بولۋى ىقتيمال

استانا. قازاقپارات - قازاقستاننىڭ باسىم بولىگىندە 20-ءساۋىر كۇنى جاۋىن- شاشىن بولمايدى، دەپ حابارلايدى قازاقپارات «قازگيدرومەت» ر م ك- گە سىلتەمە جاساپ حابارلايدى.

ەلدىڭ باتىسىندا، سولتۇستىك- باتىسى مەن شەتكى شىعىسىندا اتموسفەرالىق فرونتتاردىڭ وتۋىنە بايلانىستى قار نەمەسە جاڭبىر جاۋۋى ىقتيمال.

باتىستا، وڭتۇستىك پەن شىعىستا جەل كۇشەيەدى.

ەلدىڭ باسىم بولىگىندە تۇمان تۇسەدى.

وڭتۇستىك مەن وڭتۇستىك- باتىستا شاڭدى داۋىل تۇرسا، سولتۇستىك- باتىستا كۇندىز نايزاعاي ويناۋى مۇمكىن.

جەتىسۋ وبلىسى اۋماعىنىڭ باسىم بولىگىندە تۇندە 2-7 گرادۋسقا دەيىن اياز بولۋى ىقتيمال. جامبىل وبلىسىنىڭ تاۋلى ايماقتارىندا، سونداي- اق تۇركىستان وبلىسىنىڭ سولتۇستىگى مەن تاۋلى جەرلەرىندە اۋا تەمپەراتۋراسى 1-3 گرادۋسقا دەيىن تومەندەيدى. ال، الماتى وبلىسىنىڭ سولتۇستىگى مەن باتىسىندا، قىزىلوردا وبلىسىنىڭ سولتۇستىگىندە توپىراق بەتىندەگى تەمپەراتۋرا 2-3 گرادۋسقا دەيىن سۋيدى.