«ءىس بويىنشا تەرگەۋ امالدارىن اسكەري پروكۋراتۋرا قاداعالادى. قىلمىستىق ءىس اياقتالدى. قازىر ول سوتتىڭ قاراۋىندا. ول مەرزىمدى اسكەري قىزمەتتە جۇرگەن سارباز. ول اتالعان قىلمىستى جاساعان كەزدە دەمالىستا بولعان»، - دەدى م. قازيەۆ سەناتتا تىلشىلەر سۇراعىنا جاۋاپ بەرە وتىرىپ.
سونىمەن قاتار تىلشىلەر ونىڭ كىناسى دالەلدەنسە، قانداي شەشىم شىعۋى مۇمكىن ەكەنىن سۇرادى.
«ناقتى ۇكىمدى سوت شىعارادى، ياعني ءتيىستى شەشىم جاريالانادى»، - دەدى باس اسكەري پروكۋروردىڭ ءبىرىنشى ورىنباسارى.
ەسكە سالساق، الماتىدا زاڭگەر اننا دميتريەۆيچ پەن ونىڭ كۇيەۋى ولەگ چەرنوۆ سوققىعا جىعىلعان ەدى. الماتى قالالىق پوليتسيا دەپارتامەنتى اتالعان دەرەك ق ر ق ك-نىڭ 293-بابى «بۇزاقىلىق» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.
كەيىن سپورت قايراتكەرى داۋلەت تۇرلىحانوۆ بالاسىنىڭ بۇزاقىلىق ارەكەتىنە بايلانىستى پىكىر ءبىلدىردى.