قىرعىزستانعا جامبىلدان جانارماي تاسيتىن الىپساتارلار كوبەيگەن

استانا. قازاقپارات - قازاقستاندا جانار-جاعارماي ماتەريالدارىنىڭ قۇنى جاقىن شەتەلدەرگە قاراعاندا ايتارلىقتاي تومەن.

ماسەلەن، تەڭگەگە ەسەپتەگەندە كورشى قىرعىز ەلىندە بەنزين 389 تەڭگەدەن، ديزەل ليترىنە 428 تەڭگە، رەسەيدە - 294-305 تەڭگە، وزبەكستاندا – 428، ديزەل وتىنى - 479 تەڭگە تۇرادى. باعانىڭ اركەلكى بولۋى شەكارا ماڭىنداعى اۋدانداردا ءتيىستى رەاكسيانى تۋدىراتىنى تۇسىنىكتى.

«سودان بولار، سوڭعى ۋاقىتتا كورشىلەرىمىز، اسىرەسە، قىرعىز جاقتان جانار-جاعارمايدىڭ الىپساتارلارى كوبەيدى»، - دەيدى جامبىل وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ جول-تەحنيكالىق ينسپەكتسياسى ءبولىمىنىڭ باستىعى ەربول بيبازاروۆ. ءتىلشى ءتيىستى ورگانداردان كورشىلەردىڭ شەكارا بەكەتىنەن بەنزيندى قالاي الىپ ءوتىپ كەتىپ جۇرگەنىن سۇرادى.

«حالىقارالىق رەيسكە شىعاتىن جۇك كولىكتەرىنىڭ جۇرگىزۋشىلەرى جانارماي قۇيىلعان باكتارىنا قوسىمشا كونتەينەرلەر بەكىتىپ، شەكارا بەكەتىنىڭ باقىلاۋ-وتكىزۋ پۋنكتىنەن ەش قيىندىقسىز ءوتىپ، مول ولجامەن ورالۋدىڭ جولىن تاۋىپ العان. بۇل الىپساتارلىقتىڭ سالدارى ءبىزدىڭ ەلگە قانداي ەكونوميكالىق زارداپ شەكتىرىپ وتىر؟ الدىمەن وسىنى ويلانۋىمىز كەرەك. مىسالى، كۇن سايىن ءبىزدىڭ ەلدەن ءۇش مىڭعا جۋىق جۇك كولىگى شىعادى، ولاردىڭ ءارقايسىسىنىڭ سىيىمدىلىعى 7-10 توننالىق، ماشينالاردا 200-300 ليتردەن، اۋىر جۇكتەردە 1200-1500 گە دەيىن جانارماي قۇياتىن باكتارى بار. سوندا ارزان ەكەن دەپ ءارقايسىسى وسىنشا كولەممەن تاسي بەرسە، نە بولادى»، - دەپ ءتۇسىندىردى ەربول بيبازاروۆ.

مامانداردىڭ ايتۋىنشا، ولاردىڭ كوپشىلىگى تاسىمالداپ-جيناپ جاتقان جانارمايدى ساۋدالامايدى ەكەن. ونى ءوز قاجەتتىلىكتەرى ءۇشىن ساقتاپ، ءساتىن كۇتەتىندەر دە بار كورىنەدى.

«كولىكتە رەزەرۆۋارلار كوپ بولسا، ءبىر رەيستە سوعۇرلىم كوپ اقشا تابۋعا بولاتىنى تۇسىنىكتى. شىعۋ وڭاي- اۋىر جۇكتەردەگى ستاندارتتى تسيستەرنالارعا جەرگىلىكتى قولونەرشىلەر قوسىمشا كونتەينەرلەردى»ستاحانوۆ«ادىسىمەن بەكىتەدى»، - دەيدى پوليتسيا باسقارماسىنىڭ جول- تەحنيكالىق ينسپەكتسياسى ءبولىمىنىڭ باستىعى.

قازىر جامبىل وبلىسىندا ىشكى ىستەر مينيسترلىگىنىڭ «قازاقستان رەسپۋبليكاسىنىڭ اۋماعىنان مۇناي ونىمدەرىن اكەتۋدىڭ كەيبىر ماسەلەلەرى تۋرالى» بۇيرىعىنا سايكەس كوزدەلگەن ستاندارتتارعا سايكەس كەلمەيتىن وتىن باكتارىندا تاۋارلاردى اكەتۋ جاعدايلارىنا جول بەرمەۋ ءۇشىن ءتيىستى جۇمىستار جۇرگىزىلىپ جاتىر. اسىرەسە، قىرعىز ەلىمەن شەكارالاس جامبىل، مەركى، قورداي اۋداندارى ەرەكشە باقىلاۋعا الىنعان.

«ءبىز تەحنيكالىق تالاپتارعا سايكەس كەلمەيتىن قوسىمشا وتىن باكتارىن ورناتۋ ارقىلى كولىك قۇرالدارىن پايدالانۋ ەرەجەلەرىن بۇزۋدىڭ 21 فاكتىسى انىقتالدى. ق ر ا ق ب ت ك 7-بولىگىنىڭ 590-بابى بويىنشا 21 حاتتاما جاسالدى (ءتيىستى رۇقساتسىز قايتا جابدىقتالعان كولىك قۇرالىن باسقارۋ). زاڭسىز جانارماي قۇياتىن باكتار ورناتقان اۆتوموبيلدەر بۇزۋشىلىق جويىلعانعا دەيىن ارنايى تۇراققا ورنالاستىرىلادى. وسى بۇزۋشىلىق ءۇشىن 15 ايلىق ەسەپتىك كورسەتكىش - 51750 تەڭگە مولشەرىندە ايىپپۇل تۇرىندەگى اكىمشىلىك جاۋاپكەرشىلىك كوزدەلگەن»، - دەپ اتاپ ءوتتى ەربول بيبازاروۆ.

ماماننىڭ ايتۋىنشا، نەگىزى ءبىزدىڭ ەلدە دە، قىرعىزستاندا دا جانارمايعا ارنالعان قوسىمشا ىدىستاردى كولىككە زاڭدى تۇردە قويعىزۋعا بولادى. ول ءۇشىن پوليتسياعا ءتيىستى ءوتىنىش بەرۋ كەرەك، ال ورناتۋ جۇمىستارى اياقتالعاننان كەيىن بۇل وزگەرىستى تىركەۋ كەرەك. سوندا عانا ماشيناعا كەز-كەلگەن جەردەن جانارماي تولتىرۋعا بولادى.

ماسساگەت