استانادان قالا ماڭىنا قاتىنايتىن اۆتوبۋستار قوزعالىسى توقتاتىلدى

استانا. قازاقپارات - استانادان قالا ماڭىنداعى 16 باعىتقا قاتىنايتىن قوعامدىق كولىكتەر قوزعالىسى توقتاتىلدى، دەپ حابارلايدى قازاقپارات.

CTS كولىك كومپانياسىنىڭ مالىمەتىنشە، كۇن رايىنىڭ قولايسىزدىعىنا جانە تراسسالاردىڭ جابىلۋىنا بايلانىستى قالا ماڭىنداعى №304، 305، 307، 308، 309، 310، 312، 313، 315، 316، 317، 318، 321، 322، 327، 328 باعىتتاردىڭ قوزعالىسى ۋاقىتشا توقتاتىلدى.

قالا ماڭىنا قاتىنايتىن قالعان باعىتتاعى اۆتوبۋستار ءجۇرىپ جاتىر.

استانادا قار جاۋىپ، بوران سوعىپ تۇر. اۋا تەمپەراتۋراسى نولدەن تومەن.