قار، بۇرشاق، ۇسىك - الداعى ءۇش كۇنگە اۋا رايى بولجامى

استانا. قازاقپارات - «قازگيدرومەت» ر م ك الداعى 15-17-ءساۋىر كۇندەرىنە كۇن رايى بولجامىن ۇسىندى، دەپ حابارلايدى قازاقپارات.

قازاقستان اۋماعى قارا تەڭىزدەن كەلەتىن بەلسەندى، ىلعالدى سيكلون مەن سكانديناۆيا تۇبەگىنەن ىعىساتىن سۋىق اركتيكالىق اۋا ىقپالىندا بولادى.

الداعى كۇندەرى قۇبىلمالى كۇن رايى بولجانادى - جاۋىن-شاشىن، كەي جەرلەردە قاتتى جاۋىن- شاشىن كۇتىلەدى.

باتىستا جاڭبىر، ال سولتۇستىك ايماقتا جاۋعان جاڭبىر سوڭى قارعا ۇلاسۋى مۇمكىن، سونداي- اق بۇرقاسىن، كوكتايعاق جانە تۇمان كۇتىلەدى.

ەرتەڭ تاڭەرتەڭ ەلىمىزدىڭ سولتۇستىك وڭىرلەرىندە قار جاۋىپ، جەل سوعادى.

وڭتۇستىكتە دە كۇن كۇركىرەپ، قاتتى جاڭبىر، كەي جەرلەردە بۇرشاق جاۋۋى ىقتيمال.

رەسپۋبليكانىڭ بارلىق اۋماعىندا جەل كۇشەيەدى، وڭتۇستىكتە ەكپىنى 30 م/س جانە ودان جوعارى بولادى.

باتىس قازاقستان وبلىسىندا، 16-ساۋىردەن باستاپ اتىراۋ، ماڭعىستاۋ، قىزىلوردا وبلىستارىندا، 17-ساۋىردەن باستاپ تۇركىستان وبلىسىندا تۇندە ۇسىك جۇرەدى.