ەلىمىزدىڭ عالىمدارى ادامنىڭ قانداي دەرتكە شالدىعۋى مۇمكىن ەكەنىن انىقتايدى

استانا. قازاقپارات- ونكولوگيا، جۇرەك- قانتامىر جانە زات الماسۋ اۋرۋلارىن ەرتە بىلۋگە بولادى. ماماندار مۇنى د ن ك ارقىلى گەنەتيكالىق سىناقتاردىڭ نەمەسە ماركەرلەردىڭ كومەگىمەن انىقتايدى.

ءتىپتى ادامنىڭ قانداي سپورتقا بەيىم ەكەنىن دە بايقاۋعا بولادى ەكەن. زەرتتەۋگە قاجەتتى ماتەريال سىلەكەي جاسۋشالارىنان الىنادى. ءسويتىپ، د ن ك شىعادى. ودان سوڭ حيميالىق رەاكسيا جۇرەدى. وسىدان سوڭ ادام بويىنداعى اۋرۋدى، دارىندى، ءتىپتى ونىڭ مىنەزىن انىقتاۋعا بولادى.

ەلەنا جولدىبايەۆا، جوبا جەتەكشىسى:

- ءبىزدىڭ زەرتتەۋلەرىمىز، ەڭ الدىمەن، جۇرەك- قان تامىرلارى اۋرۋىنىڭ اسقىنۋىن انىقتاۋعا مۇمكىندىك بەرەدى. اسىرەسە ترومبوز قاۋپىن، ونكولوگيالىق قاتەردى بىلۋگە بولادى. ءبىزدىڭ گەنەتيكالىق تەستەرىمىزدىڭ فيتنەسپەن اينالىساتىن سپورتشىلارعا دا قاتىسى بار. ساراپتامانىڭ كومەگىمەن ادامنىڭ توزىمدىلىگىن، گەنەتيكالىق ەرەكشەلىگىن، ەسكەرە وتىرىپ، ونىڭ قانداي سپورتقا جاقىن ەكەنىن انىقتاي الامىز.

ەلوردالىق عالىمدار مۇنداي ادىسپەن 2017 -جىلدان بەرى جۇمىس ىستەپ كەلەدى. سودان بەرى 70 گەنەتيكالىق تەست جاسالعان. سوڭعى ءۇش جىلدا ماماندار مىڭداعان ادامنىڭ د ن ك- سىن زەرتتەدى.

ساۋلە قۇبەكوۆا گەنومدى ءادىس كوپتەگەن اۋرۋدىڭ الدىن الۋعا مۇمكىندىك بەرەدى دەيدى. گەنەتيكالىق تەست - مەديتسيناداعى جاڭالىق.

ساۋلە قۇبەكوۆا، كارديولوگ:

- قازاق مەديتسيناسى جالپى الەم عىلىمى ءۇشىن بۇل تىڭ جاڭالىق. ياعني ءبىز دەرتتى ەرتە انىقتاي الامىز. سول ارقىلى جۇرەك- قانتامىرىنداعى اۋرۋدى قالاي ەمدەۋ كەرەك ەكەنىن بىلدىك. ءبىراق ءبىز تەك الدىن الۋ ساتىسىندامىز. يشەميالىق اۋرۋدى، ارتەريالىق گيپەرتەنزيا مەن جۇرەك ىرعاعىنىڭ بۇزىلۋىن باقىلاي الامىز.

گەنەتيكالىق ساراپتاما استاناداعى ءتورت ەمحانادا جۇرگىزىلەدى. عالىمدار ەندى قازاقتىڭ گەنوفوندىن زەرتتەۋدى كوزدەپ وتىر.

www.24.kz