كۇنسۇلۋ زاكاريا ۇلتتىق عىلىم اكادەمياسىنىڭ پرەزيدەنتى بولىپ تاعايىندالدى

استانا. قازاقپارات - مەملەكەت باسشىسىنىڭ وكىمىمەن كۇنسۇلۋ دالتون قىزى زاكاريا ق ر پرەزيدەنتى جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنىڭ پرەزيدەنتى لاۋازىمىنا تاعايىندالدى. قازاقپارات بۇل تۋرالى اقورداعا سىلتەمە جاساپ حابارلايدى.

كۇنسۇلۋ دالتون قىزى ءال- فارابي اتىنداعى عىلىم جانە تەحنيكا سالاسىنداعى مەملەكەتتىك سىيلىقتىڭ لاۋرەاتى، جاراتىلىس تانۋ عىلىمدارى اكادەمياسىنىڭ مۇشەسى، رەسەي جاراتىلىس تانۋ اكادەمياسىنىڭ كوررەسپوندەنت- مۇشەسى، كوروناۆيرۋس ينفەكسياسىنا قارسى QazCovid-in (QazVac) قازاقستاندىق ۆاكسيناسىن ازىرلەۋگە قاتىسقان.

«بيوقاۋىپسىزدىك جانە بيوتەحنولوگيا» عىلىمي جۋرنالىنىڭ باس رەداكتورى. 200 دەن استام عىلىمي جاريالانىمنىڭ، 8 عىلىمي- ادىستەمەلىك قۇرالدىڭ، 5 مونوگرافيانىڭ، 29 ونەرتابىسقا بەرىلەتىن پاتەنتتىڭ، ونىڭ ىشىندە 2 حالىقارالىق پاتەنتتىڭ، پروفيلاكتيكالىق جانە دياگنوستيكالىق پرەپاراتتار ءوندىرىسى بويىنشا 7 نورماتيۆتىك- تەحنيكالىق قۇجاتتىڭ اۆتورى.

2022 -جىلدىڭ 22-تامىزىندا «QazBioPharm» ۇلتتىق حولدينگى» ا ق باس ديرەكتورىنىڭ لاۋازىمىنا تاعايىندالدى. وعان دەيىن ق ر د س م «بيولوگيالىق قاۋىپسىزدىك پروبلەماسىن عىلىمي- زەرتتەۋ ينستيتۋتى» ر م ك باس ديرەكتورى قىزمەتىن اتقاردى.