اقشانى كوبەيتۋگە كومەكتەسەتىن كەڭەستەر

استانا. قازاقپارات - ءسىزدىڭ ومىرىڭىزگە اقشا كەلۋى ءۇشىن ولارعا دەگەن كوزقاراس پەن قاتىناستى وزگەرتۋ كەرەك جانە كەي ەرەجەلەردى ساقتاۋ كەرەك.

قارىز الماڭىز

ومىردە قىزىقتىرعىش نارسەلەر كوپ. كەزەكتى كرەديتتى الاردا جەتى رەت ويلانىڭىز. مۇمكىندىگىڭىزگە، جاعدايىڭىزعا قاراڭىز. كرەديت الماس ءۇشىن ءوزىڭىزدى باقىلاۋدا ۇستاۋدى جانە ۇستامدى بولۋدى ۇيرەنۋ كەرەك. جەكە قارجىڭىزدى باقىلاۋعا الساڭىز، قىمبات نارسەنى كرەديتسىز الاتىن جاعدايعا جەتەسىز.

اقشا جيناڭىز

قارجىلىق ترەنەر جانە قارجى تاقىرىبىنداعى بىرنەشە كىتاپتىڭ اۆتورى بودو شەفەر بىلاي دەيدى: «ەرتەڭگى كۇنىڭىزدى جاقسارتۋ ءۇشىن بۇگىنگى كۇنىڭىزدەن كىشكەنە الاسىز».

اقشا جيناۋدى ادەتكە اينالدىرۋ ماڭىزدى. مىسالى، اي سايىنعى تابىسىنىڭىزدان نەمەسە ءار تۇسكەن تابىستان  الىپ قويىپ وتىرىڭىز.

قوسىمشا كىرىس كوزدەرىن تابىڭىز

اقشا كوبەيتۋدىڭ تاعى ءبىر ەرەجەسى - اكتيۆتەر جاساۋ. بۇل جەردە اكتيۆتەر - ۇزدىكسىز پاسسيۆتى كىرىسىتىڭ كوزى. مۇنداي كىرىس قانشالىقتى كوپ بولسا، ولار سونشالىقتى كوپ اقشا اعىنىن قالىپتاستىرادى.

اكتيۆتەردىڭ كەڭ تاراعان تۇرلەرى:

- اكسيالار؛

- وبليگاتسيالار؛

- جىلجىمايتىن مۇلىك؛

- پاتەنتتەر، اۆتورلىق قۇقىق، زياتكەرلىك قابىلەت؛

- ۆەب- سايتتار مەن بلوگتار؛

- الەۋمەتتىك جەلىلەردەگى دامىتىلعان پاراقشالار نەمەسە توپتار.

اقشانى ساناڭىز

اقشا ەسەپتى جاقسى كورەدى. ەگەر قارجىڭىزدى باقىلاۋعا العىڭىز كەلسە جانە ونى كوبەيتكىڭىز كەلسە، ءوزىڭىزدىڭ جەكە جانە وتباسىنىڭ كىرىسى مەن شىعىسىن ەسەپتەپ ۇيرەنۋىڭىز كەرەك. كۇندەلىكتى كىرىستەر مەن شىعىنداردى جازىپ جۇرۋگە تىرىسىڭىز. ول ءۇشىن ارنايى قوسىمشالار جۇكتەپ الۋعا نەمەسە Excel-دە بۋحگالتەريا جۇرگىزۋگە بولادى. سودان سوڭ بيۋدجەت قۇرىپ، سونى ساقتاۋعا تىرىسۋ كەرەكسىز.

باستى ەرەجە - اقشانى اقىلمەن جۇمساۋ. قىزىقتىرعىش نارسەلەرگە بەرىلمەڭىز جانە كەزەكتى قاجەت ەمەس زاتتى الماۋعا تىرىسىڭىز. جالقاۋلىقپەن كۇرەسىڭىز جانە ءتيىمدى ۇسىنىستى جىبەرىپ الماڭىز.

نەگاتيۆتى قارجىلىق كوزقاراستان ارىلىڭىز

باسىڭىزدا اقشامەن بايلانىستى دۇرىس ەمەس نەگاتيۆتى ويلار مەن كەدەيشىلىككە باعدارلامالايتىن ادەتتەر بولۋى مۇمكىن. ولاردىڭ پايدا بولۋىنا تاربيە، مىنەز-قۇلىق ەرەكشەلىگى نەمەسە جەكە جاعىمسىز تاجىريبە اسەر ەتەۋى مۇمكىن. ءسىزدىڭ ماقساتىڭىز - ولاردى جاعىمدىلارمەن الماستىرۋ. ءبارى قاراپايىم: اقشا ءسىزدى جاقسى كورۋى ءۇشىن ءسىز ونى جاقسى كورۋىڭىز كەرەك.

اقشاڭىزدىڭ قانداي دا ءبىر بولىگىن قايىرىمدىلىققا بەرىڭىز

قانشالىقتى بەرسەڭىز، سونشالىقتى الاسىز. بۇل زاڭ شىنىمەن دە جۇمىس ىستەيدى. قانشا بەرەتىنىڭىزدى ءوزىڭىز شەشەسىز. مىسالى، تابىسىڭىزدىڭ %1 ىن بەرۋدەن باستاۋعا بولادى. الايدا جاقسى نيەتپەن بەرىپ ۇيرەنۋ ماڭىزدى.

دامۋعا جانە ءبىلىم الۋعا اقشا ءبولىڭىز

سونىڭ ىشىندە، قارجىلىق بىلىمگە اقشا ءبولۋ ماڭىزدى. اقشا اعىنىن باسقارۋدى جانە ءوز قاراجاتىن ينۆەستيتسيا جاساۋدى ءاربىر ادام ۇيرەنە الادى.