پاۆلوداردا بالانى شاپالاقپەن ۇرعان تاربيەشى جۇمىستان قۋىلدى

پاۆلودار. قازاقپارات - پاۆلوداردا بالاباقشالاردىڭ بىرىندە بالانى شاپالاقپەن ۇرعان تاربيەشى جۇمىستان بوساتىلدى.

ال مەكەمە باسشىسىنا قاتىستى تارتىپتىك جازا قولدانىلدى، دەپ حابارلايدى قازاقپارات Pavlodarnews.kz-كە سىلتەمە جاساپ.

الەۋمەتتىك جەلىدە بالاباقشادا تۇسىرىلگەن ۆيدەو تارالدى. بەينەكادردان تاربيەشىنىڭ بالانى شاپالاقتاپ، كورپەمەن جاۋىپ جاتقانىن كورۋگە بولادى.

پاۆلودار قالاسىنىڭ ءبىلىم بەرۋ ءبولىمى بالالارعا دورەكىلىك تانىتۋ فاكتىسى بويىنشا №28-بالاباقشادا قىزمەتتىك تەرگەۋ جۇرگىزىلگەنىن حابارلادى.

«تەرگەۋ قورىتىندىسى بويىنشا ق ر ەڭبەك كودەكسىنىڭ 52-بابى 1-تارماعىنىڭ 14-تارماقشاسىنا سايكەس تاربيەشى تەرىس سەبەپتەرمەن جۇمىستان شىعارىلدى»، - دەپ جازدى ءبىلىم بەرۋ بولىمىنەن.

سونداي-اق تاربيەشىلەردىڭ قىزمەتىن باقىلاۋدى السىرەتكەنى ءۇشىن مەكتەپكە دەيىنگى ۇيىم باسشىسىنا قاتىستى تارتىپتىك جازا قولدانىلعان.