قىتايمەن اراداعى كەدەن بەكەتىندە شەتەل ۆاليۋتاسىن تاسىمالداۋ ارەكەتىنىڭ جولى كەسىلدى
جەتىسۋ وبلىسى بويىنشا مەملەكەتتىك كىرىستەر دەپارتامەنتى قورعانىس كەشەنىنىڭ شەكارالىق باقىلاۋ قىزمەتكەرلەرىمەن بىرلەسىپ، قازاقستان رەسپۋبليكاسىنان قىتاي حالىق رەسپۋبليكاسىنا شىعۋدىڭ اكىمشىلىك زالىندا 15 كۇن ىشىندە شەتەل ۆاليۋتاسىن تاسىمالداۋعا تىرىسۋدىڭ 5 فاكتىسىن انىقتادى.
قىتاي ازاماتىنان 16- ناۋرىزدا 10 مىڭ ا ق ش دوللارى، 1100 يۋان جانە 73,5 مىڭ تەڭگە سوماسىندا دەكلاراتسيالانباعان قاراجات انىقتالدى. 18-ناۋرىز كۇنى تاجىكستان ازاماتى 11875 ا ق ش دوللارىن، ال 25-ناۋرىز كۇنى قىتاي ازاماتتارى 5 ميلليون تەڭگە، 416 يۋان جانە 1,7 ميلليون تەڭگە جانە 14500 ا ق ش دوللارىن دەكلاراتسيالاماعانى انىقتالدى. ءساۋىردىڭ باسىندا قىتاي ازاماتى 15500 ا ق ش دوللارىن دەكلاراتسيالاماي الىپ وتپەك بولدى.
بارلىق فاكتىلەر بويىنشا اكىمشىلىك ماتەريالدار تولتىرىلدى.
جەتىسۋ وبلىسى بويىنشا مەملەكەتتىك كىرىستەر دەپارتامەنتى قازاقستان رەسپۋبليكاسى پرەزيدەنتىنىڭ 2022-جىلعى 14-ناۋرىزداعى №830 جارلىعىنا سايكەس، قازاقستان رەسپۋبليكاسىنىڭ ۇلتتىق بانكى اكەتۋ كۇنىنە بەلگىلەنگەن باعام بويىنشا ەسەپتەلگەن جانە 10000 (ون مىڭ) ا ق ش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن اكەتۋگە تىيىم سالىنعان ەسكە سالادى.
رەداكتور
گۇلنۇر عازيز قىزى