تۇركيادا جاسالعان Togg T10X ەلەكتروكارىن العاشقى بولىپ تۇركيا پرەزيدەنتى رەجەپ تايىپ ەردوعان يەلەندى.
اۆتوموبيل كىلتىن تابىستاۋ سالتاناتى انكاراداعى پرەزيدەنت كەشەنىندە ءوتتى.
«بۇگىننەن سوڭ جولدارىمىزدان Togg-تى كوزىمىز شالا باستايدى»، - دەدى سالتاناتتى شارادا تۇرىك باسشىسى.
مەملەكەت باسشىسىنىڭ ايتۋىنشا، Togg تۇڭعىش ەلەكتروموبيلىن ازىرلەۋ مەن ونى قۇراستىرۋ، سونداي-اق ونىڭ بۇگىنگىدەي دەڭگەيگە جەتۋى ەلدىڭ تەحنولوگيالىق جانە ەكونوميكالىق دامۋىن، الەمدىك ساحناداعى بەدەلىن ايقىندايدى.
پرەزيدەنت ەردوعان Togg-تىڭ تەك تۇركيادا عانا ەمەس، جالپى بۇكىل الەمنىڭ اۆتوموبيلسۇيەر قاۋىمىنا تانىمال بولاتىندىعىنا سەنىم ءبىلدىردى.
ءىس-شاراعا تۇركيا پرەزيدەنتىنىڭ جۇبايى ءامينا ەردوعان دا قاتىستى.
تۇركيادا جاسالعان Togg T10X تۇڭعىش ەلەكتوموبيلىنىڭ العاشقى سەريالىق مودەلىن ساتىپ الۋعا ءوتىنىم قابىلدانا باستاعالى 177467 الدىن الا تاپسىرىس تۇسكەن.