اقتوبەدە شەتەلدىك ازامات ۇلكەن كولەمدە اقشا مەن قۇجاتتارىن جوعالتتى
15:25, 03 - ءساۋىر 2023
اقتوبە. قازاقپارات - اقتوبە وبلىسىندا شەتەلدىك ازامات ۇلكەن كولەمدە اقشا مەن قۇجاتتارىن جوعالتتى، دەپ حابارلايدى قازاقپارات.
«31- ناۋرىز كۇنى جۇرگىزۋشى تيمۋر سۇلەيمانوۆ استانادان كەلە جاتىپ، ايتەكە ءبي اۋدانىنىڭ قارابۇتاق اۋىلىندا ورنالاسقان كافەگە شاي ىشۋگە كىرىپ، ۇستەل ۇستىنەن 1100 ا ق ش دوللارى، 465 مىڭ تەڭگە اقشاسى مەن قۇجاتتارى بار ءاميان تاپقان.
ازامات سومكەنى پوليتسيا قىزمەتكەرلەرىنە تاپسىرعان. اقشا مەن قۇجاتتاردىڭ قىرعىز رەسپۋبليكاسىنىڭ ازاماتى بەكار حيازوۆقا تيەسىلى ەكەنى انىقتالدى»، - دەپ جازدى ىشكى ىستەر مينيسترلىگىنەن.
قازالى قالاسىنا جەتىپ قالعان حيازوۆقا پوليتسەيلەر جوعالعان زاتتارىن تاپسىرعان.
شەتەلدىك پوليتسيا قىزمەتكەرلەرىنە جانە امياندى تاپقان جۇرگىزۋشىگە العىس ايتتى.