ترامپ وزىنە تاعىلعان ايىپقا جاۋاپ بەرەدى
10:03, 03 - ءساۋىر 2023
استانا. قازاقپارات - دونالد ترامپ ەرتەڭ وزىنە تاعىلعان ايىپقا قاتىستى جاۋاپ بەرەدى. سوت پروتسەسى نيۋ- يوركتە بولادى. وعان دەيىن ترامپتىڭ ساۋساق ىزدەرى الىنىپ، قاجەتتى پروتسەدۋرالار جاسالماق.
ا ق ش تاريحىندا ەلدىڭ بۇرىنعى پرەزيدەنتىنە العاش رەت ايىپ تاعىلىپ، قىلمىستىق ءىس قوزعالدى. ايىپ سانى 30-دان اسادى. ترامپ كىناسىن مويىنداماي وتىر.
دجو تاكوپينا، د. ترامپتىڭ ادۆوكاتى:
-قازىر ترامپ سوتقا دايىندالىپ جاتىر. ءبىز مۇنى ساياسي قۋدالاۋ دەپ ەسەپتەيمىز، بۇل كوپشىلىكتىڭ پىكىرى. ترامپ مىقتى، ونى مويىنداۋ كەرەك. ءبىز قارسى تۇرۋعا دايىنبىز. ونى اقتاپ الاتىن كۇن الىس ەمەس.
www.24.kz