تۇركىستان بازارىندا ساتىلعان ءدىني ادەبيەتتەر ساراپتاماعا جىبەرىلدى
09:54, 02 - ءساۋىر 2023
تۇركىستان. قازاقپارات - تۇركىستان بازارىندا ساتىلعان ءدىني ادەبيەتتەر ساراپتاماعا جىبەرىلدى، دەپ حابارلايدى قازاقپارات ءتىلشىسى.
تۇركىستان وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى تۇركىستان قالالىق پوليتسيا باسقارماسىمەن بىرلەسىپ، ءدىني سيپاتتاعى ادەبيەتتەردى زاڭسىز پايدالانۋ دەرەگىن انىقتادى. ءتارتىپ ساقشىلارى قالا بازارلارىنىڭ ءبىرىن تەكسەرۋ بارىسىندا ءدىني مازمۇنداعى ءۇش كىتاپتى تاركىلەدى. دۇكەننەن الىنعان ادەبيەتتەر ساراپتاماعا جىبەرىلدى.
«اتالعان جايت بويىنشا قر اقبتك- ءنىڭ 490-بابى 3-تارماعىنىڭ 1-بولىگى «قازاقستان رەسپۋبليكاسىنىڭ ءدىني قىزمەت جانە ءدىني بىرلەستىكتەر تۋرالى زاڭناماسىن بۇزۋ» بويىنشا تىركەلىپ، تۇرعىنعا اكىمشىلىك حاتتاما تولتىرىلدى» - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.