قازاقستاندىق جۇك كولىگى رەسەي تراسساسىندا اپاتقا ۇشىرادى

چەليابى وبلىسى. قازاقپارات - رەسەيدىڭ چەليابى وبلىسىندا قازاقستاندىق جۇك كولىگى اپاتقا ۇشىرادى، دەپ حابارلايدى قازاقپارات ءوڭىردىڭ مەملەكەتتىك كولىك ينسپەكتسياسىنا سىلتەمە جاساپ.

مەملەكەتتىك اۆتوينسپەكتسيا چەليابى-ترويتسك اۆتوجولىندا ءتورت كولىكتىڭ قاتىسۋىمەن بولعان جول-كولىك وقيعاسىنىڭ ءمان-جايىن انىقتاپ جاتىر.

30- ناۋرىز ساعات 17.30 شاماسىندا چەليابى-ترويتسك اۆتوجولىنىڭ 143-شاقىرىمىندا «كاماز» اۆتوكولىگىنىڭ جۇرگىزۋشىسى توقتاپ تۇرعان «گازەل» كولىگىنە سوقتىعىسقان.

سودان كەيىن «گازەل» قارسى قوزعالىسقا ارنالعان جولاققا شىعىپ، «حوۆو» كولىگىنە سوعىلدى، ال «كاماز» جارتىلاي تىركەمەسى بار «مەرسەدەس» كولىگىن بارىپ سوقتى.

جول اپاتى سالدارىنان «گازەل» جۇرگىزۋشىسى جاراقات الىپ، اۋرۋحاناعا جەتكىزىلدى.

وقيعا ورنىندا جول پوليتسياسىنىڭ 3 ەكيپاجى جۇمىس ىستەپ جاتىر. كەرى قوزعالىس ۇيىمداستىرىلدى.