كونستيتۋتسيالىق سوتقا كوبىندە قاي ءوڭىردىڭ ازاماتتارى شاعىمدانادى

ۆەدومستۆو مالىمەتىنشە، قازىر 319 ءوتىنىش قارالىپ جاتىر.

كونستيتۋتسيالىق ءىس جۇرگىزۋگە 12 ءوتىنىش قابىلداندى، تاعى 32 ءوتىنىشتى سۋديالار الدىن الا زەردەلەۋ ۇستىندە.

ءوتىنىش بەرۋشىلەر نەگىزىنەن سوت شەشىمىمەن كەلىسپەۋ - %44، نورماتيۆتىك قۇقىقتىق اكتى نەمەسە ونىڭ جەكەلەگەن ەرەجەلەرىن كونستيتۋتسيالىق ەمەس دەپ تانۋ - %23، اقپاراتقا قول جەتكىزۋ - %3,6، ەڭبەك جانە زەينەتاقىمەن قامسىزداندىرۋ - %2,3، قىلمىستىق-اتقارۋ جۇيەسى - % 1,5 جانە وزگە دە ماسەلەلەر بويىنشا جۇگىنگەن.

وسى ارالىقتا ازاماتتاردىڭ ءوتىنىشى بويىنشا ءتورت نورماتيۆتىك قاۋلى شىقتى.

اتاپ ايتقاندا، كونستيتۋتسيالىق سوت سالىق كودەكسىنىڭ، قىلمىستىق-اتقارۋ كودەكسىنىڭ، مەملەكەتتىك قىزمەت سالاسىنداعى زاڭنامانىڭ جەكەلەگەن نورمالارىن كونستيتۋتسياعا سايكەس ەمەس دەپ تانىدى.

سونداي-اق، زەينەتاقىمەن قامسىزداندىرۋ تۋرالى زاڭنىڭ جەكەلەگەن نورمالارىن كونستيتۋتسيالىق سوت كونستيتۋتسياعا ساي دەپ تانىدى.

وتىنىشتەردىڭ باسىم بولىگى استانا جانە الماتى قالالارىنان، قوستاناي، قاراعاندى جانە اقمولا وبلىستارىنان كەلىپ ءتۇستى.