ءساۋىر ايىنىڭ كەلۋىنە وراي كۇن جىلىنا تۇسەدى - سينوپتيكتەر

استانا. قازاقپارات - الداعى ءۇش كۇندە قازاقستاننىڭ باسىم بولىگىندە اۋا رايىن اۋقىمدى سولتۇستىك-باتىس انتيتسيكلونىنىڭ ىقپالىندا بولادى، كۇن جاۋىن-شاشىنسىز، اشىق بولادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«كۇندىز سالقىن اۋا ماسسالارى بىرتىندەپ جىلىنادى. تەك رەسپۋبليكانىڭ باتىس، وڭتۇستىك جانە وڭتۇستىك-شىعىس وبلىستارى بەلسەندى فرونتالدى ۋچاسكەلەرى بار وڭتۇستىك تسيكلونىنىڭ ىقپالىندا بولىپ، كۇن قۇبىلىپ تۇرادى، نايزاعاي جارقىلداپ، قاتتى جاۋىن جاۋادى»، - دەلىنگەن سينوپتيكتەر حابارلاماسىندا.

بولجام بويىنشا، قازاقستاندا جەلدىڭ جىلدامدىعى سەكۋندىنا 15-25 مەترگە دەيىن كۇشەيىپ، وڭتۇستىكتە شاڭدى داۋىل سوعادى. وڭتۇستىكتە جانە وڭتۇستىك-شىعىستا تۇندە 1-6 گرادۋس اياز بولادى.

باتىستا جانە سولتۇستىك-باتىستا اۋا تەمپەراتۋراسىنىڭ كۇندىز 13-20 گرادۋسقا دەيىن، سولتۇستىكتە 7-15 گرادۋسقا دەيىن، رەسپۋبليكا ورتالىعىندا 10-20 گرادۋسقا دەيىن، شىعىستا - 0-10 گرادۋسقا دەيىن بىرتىندەپ كوتەرىلۋى بولجانىپ وتىر. وڭتۇستىك-شىعىستا 5-18 گرادۋس جىلى بولادى.