تالدىقورعاندا ميلليونەر داۋىس بەردى

استانا. قازاقپارات - تالدىقورعاندا ميلليونەر اتتى تۇرعىن داۋىس بەردى.

وتەناي اۋىلدىق وكرۋگىنە قاراستى مويناق اۋىلىنىڭ ءسۇت ونىمدەرىن ساتۋمەن اينالىساتىن كاسىپكەر قاجىكەن ۇلى ميلليونەر داۋىس بەردى.

ەرەكشە ەسىمدى تۇرعىن بالا كەزىنەن مال شارۋاشىلىعىمەن اينالىسىپ، ۇلتتىق تاعامدارىمىز: شۇبات، قىمىز، قۇرت، ىرىمشىك، ءسۇت، ايران ت. ب. حالىققا ۇسىنىپ كەلەدى.

بۇگىندە ميلليونەر 5 بالاسىن جانە 10 نەمەرەسىن وسى ونىمدەردىڭ ارقاسىندا اسىراپ وتىر.

«سايلاۋ - ساياسي ناۋقان. سايلاۋعا ءتۇسىپ جاتقان ۇمىتكەرلەر مەملەكەتىمىزدىڭ بولاشاعىنا ءوز ۇلەستەرىن قوسىپ، جاۋاپكەرشىلىك تانىتادى دەگەن ويدامىن. قازاقستان رەسپۋبليكاسى - ءوزىنىڭ دەموكراتيالىق ۇردىستەرىمەن بۇكىل الەمگە تانىلعان مەملەكەت. مەن وسىناۋ ساياسي جاڭعىرۋدىڭ ءمان- ماڭىزىن، جالپىۇلتتىق تۇجىرىمىن كەڭ كولەمدە سايلاۋشى رەتىندە قولداي وتىرىپ، ەل دامۋىنىڭ ەلەۋلى كەزەڭى حالىقتىڭ ساياسي ساۋاتتىلىعى مەن سارابدال ويىنا، ازاماتتىق كوزقاراسقا جۇگىنەتىنىنە سەنىمىم مول»، - دەيدى ميلليونەر.

ەسكە سالايىق، بۇگىن قازاقستاندا ءماجىلىس جانە ءماسليحات سايلاۋى باستالدى. بۇعان دەيىن پرەزيدەنت قاسىم-جومارت توقايەۆ، ۇكىمەت باسشىسى ءاليحان سمايىلوۆ، الماتى قالاسىنىڭ اكىمى ەربولات دوسايەۆ جانە استانا اكىمى جەڭىس قاسىمبەك داۋىس بەرىپ ۇلگەردى.

Massaget.kz