پەتروپاۆلدا يمام باستاعان حالىق جاراپازان ايتىپ، كوشە ارالادى - ۆيدەو
پەتروپاۆلدا قازاقتىڭ ۇلتتىق كيىمىن كيگەن، دومبىرا ۇستاعان ءبىر توپ ادام ورتالىق كوشەمەن ءجۇرىپ ءوتىپ، جاراپازان ايتىپ، كوپشىلىكتىڭ تاڭدانىسىن تۋدىردى. ءىس-شارانىڭ وتۋىنە ۇيىتقى بولعان - «قىزىلجار» ورتالىق مەشىتى.
«جاراپازان دەگەن ءسوزدىڭ ماعىناسى رامازان كەلدى دەگەندى بىلدىرەدى. مۇنى ءدىني جىر دەپ ايتۋعا بولمايدى. بۇل قازاق حالقىنىڭ ءداستۇرلى جىرلارىنىڭ ءبىرى. قازاق حالقى بۇرىن رامازان ايى كەلگەندە، تەلەارنا، راديو بولماعان كەزدە وسىلاي جاراپازان ايتىپ، حالىقتى رامازان ايىنىڭ تۋعانى جونىندە حاباردار ەتكەن.
«رامازان ايى كەلە جاتىر، قاسيەتتى ايدىڭ بەرەكەسىنەن قۇر قالماڭىزدار» دەپ ەسكەرتەدى، شاقىرادى»، - دەيدى سولتۇستىك قازاقستان وبلىسىنىڭ باس يمامى حامزات قاجىمۇرات ۇلى.
يمامنىڭ ايتۋىنشا، جاراپازان جىرىنىڭ تۇرلەرى كوپ - ەلۋ شاقتىسى بار. بۇرىن بۇل جىردى بالالارعا ارنايى جاتتاتىپ، ءۇيدى-ۇيگە جىبەرگەن. جاراپازان ايتىلعان ءۇي جاقسى تىلەكپەن كەلگەندەردى بوس قول جىبەرمەۋگە تىرىسقان.
سولتۇستىك قازاقستان وڭىرىندە بۇل ءداستۇر كەنجە قالعان. ءبىراق، الماتى، ورتالىق قازاقستاندا، ءتىپتى مىنا كورشى تۇرعان اقمولا وبلىسىندا ول جىل سايىن ايتىلىپ كەلەدى.
«وسى ءداستۇرىمىزدى قايتا جانداندىرۋ ماقساتىندا قولعا الىنعان شارا عوي. كوپشىلىك بىلە بەرمەيدى. اسىرەسە وزگە ۇلت وكىلدەرىنە قازاقتىڭ وسىنداي دا ءداستۇرى بار ەكەنىن كورسەتتىك.
بۇگىن قازاقستان كونستيتۋتسياسى كوشەسىمەن ءجۇرىپ وتتىك. حالىق كوپ جينالعان ساۋدا ورتالىعىندا بولىپ، جاراپازان ايتتىق. يمامدار، مەشىت شاكىرتتەرى بار جۇرتتى رامازان ايىمەن جانە ناۋرىز مەيرامىمەن قۇتتىقتادىق.
اتالارىمىز باتا بەرىپ، اجەلەرىمىز شاشۋ شاشىپ، مارە-سارە بولدىق. حالىق جاقسى قابىلدادى»، - دەيدى حامزات قاجىمۇرات ۇلى.
اۆتور
اقەركە داۋرەنبەك قىزى