تايۋان دەمالۋعا كەلگەن تۋريستەرگە اقى تولەمەك

استانا. قازاقپارات - 2023 -جىلى تايۋان بيلىگى ەلگە دەمالۋعا كەلگەن تۋريستەرگە 5 مىڭ تايۋان دوللارىن (شامامەن 68 مىڭ تەڭگە) تولەمەك، - دەپ حابارلايدى Tengritravel.kz ءتىلشىسى The Points Guy باسىلىمىنا سىلتەمە جاساپ.

وسىلايشا، تۋريزم دامۋىن قولداۋ جانە ەلگە التى ميلليون دەمالۋشىنى تارتۋ جوسپارلانعان.

تايۋان تۋريستىك بيۋروسىنىڭ باس ديرەكتورى چان شيجۋننىڭ ايتۋىنشا، بۇل تولەمدەر تايۋانعا بارعان كەزدە پايدالانۋعا بولاتىن تۋريستىك كارتاعا ساندىق باعىتتا جىبەرىلەدى. بۇل قاراجاتتى ازىق- تۇلىك، پاتەردە نە قوناقۇيدە تۇرۋ جانە كولىك تاسىمالىنا جۇمساۋ ۇسىنىلادى.

«تايۋان ءوز شەكاراسىن تەك 2022 -جىلدىڭ قازان ايىندا اشتى، سودان كەيىن ول وتكەن جىلدارمەن سالىستىرعاندا تۋريستەر سانىنىڭ وننان ءبىر بولىگىن دە تارتا المادى»، - دەلىنگەن باسىلىم جاريالاعان ماتەريالدا.

قىركۇيەكتە تايۋان ۆيزاسىز رەجيمنىڭ كۇشىن جويدى، بۇل تاجىريبە رەتىندە كەيىنگى ءتورت جىلدا جۇزەگە اسىرىلعان ەدى.