ەسكە سالساق، وقيعا وتكەن جىلدىڭ ءساۋىر ايىندا بولعان.
بارلىعى 18 ۆاگون رەلستەن شىعىپ كەتكەن ەدى. ونىڭ ىشىندە رۋدا تيەلگەن 2, شلاك تيەلگەن 4 ۆاگون ەرتىس وزەنىنە قۇلاعان.
الايدا ءالى كۇنگە دەيىن ۆاگوندار سۋدان شىعارىلماي جاتىر.
ش ق و ەكولوگيا دەپارتامەنتىنىڭ مالىمەتىنە سۇيەنسەك، ەكولوگتار بۇعان دەيىن وزەننەن سۋ سىناماسىن الىپ زەرتتەۋ جۇرگىزدى.
سونىڭ ناتيجەسىندە، سۋدان زياندى زاتتاردىڭ شەكتى رۇقسات ەتىلگەن كونتسەنتراتسيادان اسۋ فاكتىسى انىقتالعان جوق.
«قازىرگى ۋاقىتتا «ق ت ج - جۇك تاسىمالى» ج ش س فيليالى قالىپتاسقان جاعدايدىڭ شەشىمىن ىزدەۋدە. جالپى وبلىستا عانا ەمەس، ەل بويىنشا ۆاگونداردى وزەن تۇبىنەن كوتەرىپ شىعارا الاتىن كران جوق. تالاپقا سايكەس، ق ت ج ۆاگوندار مەن جۇكتىڭ قالعان بولىگىن 2024 -جىلعا دەيىن كوتەرىپ شىعارۋعا مىندەتتى»، - دەيدى دەپارتامەنت باسشىسى دانيار اليەۆ.