باقىتسىز ماحاببات، قايعى، قورقىنىش، ۋايىم - بارلىعى دا جۇرەكتىڭ جارىلۋىنا سەبەپ بولادى دەپ سەندىرەدى عالىمدار. جۇرەكتىڭ دەرتتەنۋىنە جان كۇيزەلىسى عانا سەبەپ بولمايدى ەكەن، كەرىسىنشە قاتتى قۋانۋ دا ولىمگە ۇشىراتۋى مۇمكىن.
بۇل فەنومەندى «جارالى جۇرەك سيندرومى» دەپ اتاعان ولار، بۇل دەرت ادرەنالين مولشەرىنىڭ كۇرت ءوسۋىنىڭ سالدارىنان جۇرەكتىڭ تومەنگى كامەرالارى توقتاپ قالىپ، بار اۋىرتپالىق جۇرەكتىڭ جوعارى كامەرالارىنا تۇسۋىنەن پايدا بولادى دەيدى.
ەگەر بۇرىن زەرتتەۋشىلەر ادرەناليننىڭ كوبەيۋىنەن جۇرەك جىلدامىراق سوعا باستايدى دەگەن تۇجىرىم ايتسا، ەندى بۇل - جۇرەكتى السىرەتىپ، دۇرىس جۇمىس ىستەۋىنە كەرى اسەرىن تيگىزەدى دەپ تۇسىندىرۋدە.
جاقىنى قايتىس بولعاننان كەيىن كەيبىر ادامداردىڭ كوپ ۇزاماي دۇنيە سالۋىن دا «جارالى جۇرەك سيندرومىمەن» تۇسىندىرۋگە بولادى.