ۋكرايناداعى جاعدايدان كەيىن رەسەيلىك «سبەربانكتىڭ» قازاقستانداعى ەنشىلەس بانكى «بايتەرەك» ۇلتتىق باسقارۋ حولدينگىنىڭ ەنشىسىنە ءوتىپ، اتى Bereke Bank بولىپ وزگەرگەنى بەلگىلى. ا ق قارجى مينيسترلىگىنىڭ رەسمي سايتىندا وسى Bereke Bank- ءتىڭ سانكسيا سالىنعان قارجىلىق ۇيىمدار تىزىمىنەن شىعارىلعانى تۋرالى مالىمەت شىقتى.
ناقتىراق ايتساق، شەتەلدىك اكتيۆتەردى باقىلاۋ باسقارماسىنىڭ سانكسيالىق SDN- تىزىمىنەن شىعارىلعان.
سانكسيالىق تىزىمنەن شىعارىلعان Bereke Bank سايتتاعى قۇجاتتا ءتورت ءتۇرلى اتاۋمەن بەرىلگەن: «رەسەي سبەربانكىنىڭ ەنشىلەس بانكى»، SB SBERBANK، «رەسەي سبەربانكىنىڭ ەنشىلەس اكسيونەرلىك قوعامى جانە TEXAKABANK.
بىلتىر «بايتەرەك» ۇلتتىق باسقارۋشى حولدينگىنىڭ باسقارما ءتوراعاسى قانات شارلاپايەۆ
Bereke Bank - ءتىڭ قوردالانعان شىعىنى مەملەكەت ەسەبىنەن وتەلمەيتىنىن ءمالىم ەتكەن ەدى.
اۆتور
ەسىمجان ناقتىباي