قازاقستاندىق فايتەرگە عاشىق بولىپ قالعان شەتەلدىك جۋرناليس قىز قازاق ءتىلىن ۇيرەنىپ ءجۇر

استانا. قازاقپارات – قازاق فايتەرى شاۆكات راحمونوۆتىڭ (17-0) مەنەدجەرى سايات ءابدىراحمانوۆ «سپورت شرەدينگەرا» Youtube-ارناسىنا UFC جۋرناليسى لاۋرا سانكونىڭ سپورتشىعا دەگەن قىزىعۋشىلىعىن ءتۇسىندىردى، - دەپ حابارلايدى Vesti.kz.

«بۇل كەرەمەت قوي. مەن ونىمەن بۇل تۋرالى سويلەستىم. ول بىزگە شاۆكاتتى ا ق ش- تا جارنامالاۋعا كوپ كومەكتەسىپ جاتىر. ول شىنىمەن شاۆكاتتىڭ جانكۇيەرى»، - دەدى ابدراحمانوۆ.

مەنەدجەر لورانىڭ قازاق ءتىلىن ۇيرەنىپ جۇرگەنىن دە ايتتى.

«مەنىڭ ويىمشا، بۇل - كومبيناتسيا. ونىڭ كۇرەسكەرلىك شەبەرلىگى مەن حاريزماسى. شاۆكات قاراپايىمدىلىعىمەن امەريكادا تانىمال. لورامەن ءبىر قىزىق جاعداي بولعان. ول دايىندالىپ، قازاق ءتىلىن ۇيرەنىپ ءجۇر. ونىڭ ماعان «دۇرىس ايتىپ جاتىرمىن با؟» دەگەن حابارلاماسى دا بار. ول وتە جاقسى سويلەيدى. جالپى، بۇل وقيعا تارالىپ كەتتى عوي. لورانى دا جانكۇيەرلەر كوزدەن تاسا قىلمايدى»، - دەدى ابدراحمانوۆ.