الداعى ءۇش كۇن ەل اۋماعىندا جاۋىن-شاشىن جاۋادى

استانا. قازاقپارات - قازگيدرومەت سينوپتيكتەرى الداعى ءۇش كۇنگە ارنالعان اۋا رايى بولجامىن جاريالادى، دەپ حابارلايدى قازاقپارات.

اتلانتيكا تسيكلونى قازاقستاننىڭ باتىسىنان شىعىسىنا اۋىسادى. وسىعان بايلانىستى اۋا رايىنىڭ تۇراقسىز سيپاتى ساقتالادى.

جاۋىن-شاشىن جاۋادى، جاياۋ بۇرقاسىن، ەكپىندى جەل جانە كوكتايعاق بولادى. ەلىمىزدىڭ وڭتۇستىگىندە كۇن جاڭبىرلى.

7-9 -ناۋرىز ارالىعىندا شىعىستا، 7- ناۋرىزدا سولتۇستىك-باتىستا، سولتۇستىكتە، ورتالىقتا، 8- ناۋرىزدا وڭتۇستىكتە، 8-9- ناۋرىزدا ەلىمىزدىڭ وڭتۇستىك-شىعىسىندا قاتتى جاۋىن-شاشىن جاۋادى.

تەك 8-9- ناۋرىزدا باتىستا، 9- ناۋرىزدا ەلىمىزدىڭ ورتالىعىندا جاۋىن-شاشىن توقتايدى.

رەسپۋبليكا بويىنشا تۇمان تۇسەدى.

9- ناۋرىزعا قاراي ەلىمىزدىڭ سولتۇستىك، ورتالىق، شىعىس وڭىرلەرىندە تۇنگى ۋاقىتتا تەمپەراتۋرا 7-17 گرادۋس ايازعا دەيىن، وڭتۇستىك وڭىرلەردە تۇندە 5 گرادۋس ايازعا دەيىن، كۇندىز 5-12-جىلى بولادى.