الماتىلىق روبوت قۇراستىرۋشى وقۋشىلار ا ق ش- قا بارادى
نازاربايەۆ زياتكەرلىك مەكتەبىندە فيزيكا- ماتەماتيكا باعىتى بويىنشا وقيتىن وقۋشىلار حيۋستوندا وتەتىن الەم بىرىنشىلىگىندە دە توپ جارساق دەپ وتىر. ولار جاقىندا استانادا وتكەن رەسپۋبليكالىق سايىستا جەڭىمپاز اتانعان بولاتىن. قازىر دۇنيەجۇزىلىك جارىسقا دايىندىقتارىن باستاپ كەتتى. الماتىلىق «قىران» كومانداسى اۋىزبىرشىلىك پەن تاپقىرلىقتىڭ ارقاسىندا ۇلتتىق بىرىنشىلىكتە الدىنا جان سالمادى. ويتكەنى روبوتتى مودەلدەۋ، ونى جاساپ، ىسكە قوسۋ جۇمىستارى بويىنشا ءاربىر وقۋشى مىندەتتەرىن جاقسى بىلەدى. ولاردىڭ باپكەرلەرىمەن بىرلەسىپ جاساعان روبوتى ءارتۇرلى تاپسىرمالاردى ورىنداي الادى جانە جىلدام قوزعالادى.
تالىمگەردىڭ ايتۋىنشا الدىڭعى جارىستاردان ونىڭ شاكىرتتەرى ۇلكەن ساباق العان كورىنەدى.
بەكزات ىڭكاروۆ، ن ز م تەحنوتوريا زەرتحاناسىنىڭ جەتەكشىسى:
- ءبىزدىڭ روبوت تىم اۋىرلاۋ ەكەنىن بايقادىق. قازىر سالماعىن ءبىراز جەڭىلدەتتىك. ويتكەنى روبوت نەعۇرلىم جەڭىلدەۋ بولعان سايىن، جىلدامدىعى دا ارتا تۇسەدى. سوندىقتان ءبىز 3 ميلليمەترلىك مەتاللمەن قۇراستىرىپ شىقتىق. ويىن ءتۇرى وتە قاراپايىم عانا. نەگىزگى جۇمىستار الاڭدا وتەدى. روبوتتىڭ ماقساتى - كونۋستى ارنايى قۇرىلعىلارمەن مۇناراعا شىعارۋى ءتيىس. بۇل جەردە قازىلار سان مەن ساپاعا قارايدى. ەڭ جىلدام روبوت جەڭىمپاز اتانادى.
يمانالى كوكسال، روبوت قۇراستىرۋشى:
- مەنى كومانداداعى ەكى جۇرگىزۋشىنىڭ ءبىرىمىن. جەڭىسكە جەتۋ ءۇشىن وزىمە جۇكتەلگەن تاپسىرمالاردى تياناقتى ورىنداۋعا ءتيىسپىن. باسقا روبوتتارمەن سالىستىرعاندا ءبىزدىڭ روبوت امبەباپ دەپ ايتسام بولادى. ويتكەنى ول از عانا ۋاقىتتىڭ ىشىندە مۇنارانىڭ باسىنا بىرنەشە كونۋستاردى شىعارا الادى. راسىندا ءيمانالىنىڭ جۇمىسى وتە جاۋاپتى. ويتكەنى ول روبوتتىڭ ءاربىر قيمىلىن ءجىتى قاداعالاپ وتىرۋى ءتيىس. ءبىر عانا قاتەلىك بارلىق ەڭبەكتى ەش كەتىرەدى. سوندىقتان وقۋشىلار حيۋستونداعى جارىسقا دايىندىقتى ءالى پىسىقتاۋ كەرەك دەپ وتىر.
يمانالى كوكسال، روبوت قۇراستىرۋشى:
- ا ق ش- عى جارىسقا الەمنىڭ كىل مىقتىلارى كەلەدى. ولارمەن يىق تىرەستىرۋ ءۇشىن باسەكەگە قابىلەتتى بولۋىمىز كەرەك. ءبىزدىڭ ماقسات قالايدا جەڭىسكە جەتۋ. سوندىقتان قازىرگى ۋاقىتتا روبوتتىڭ دەڭگەيىن كوتەرۋ ماقساتىندا جۇمىستار جاساپ جاتىرمىز. نازاربايەۆ زياتكەرلىك مەكتەبىنىڭ «قىران» كومانداسىندا 9 ادام بار. روبوتتى جەتىلدىرۋ پروتسەسى اياقتالعاننان كەيىن وقۋشىلار پراكتيكالىق جاتتىعۋلارعا كوشەدى. ەگەر وقۋشىلار اۋىزبىرشىلىكتەن اجىراماسا ا ق ش- تان ولجالى قايتۋى ابدەن مۇمكىن.
www.24.kz