قازاقستاننىڭ بارلىق ايماعىندا تۇمان مەن كوكتايعاق بولادى
09:12, 04 - ناۋرىز 2023
استانا. قازاقپارات - قازگيدرومەت ايماقتاردا 4-ناۋرىزدا بولاتىن قاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى قازاقپارات.
«ەلىمىزدىڭ كوپ بولىگىنە قارا تەڭىز اۋداندارىنان جىلدام اۋىساتىن انتيتسيكلون، ال ونىڭ ارتىنان قازاقستاننىڭ باتىسىنا ورتالىعى سكانديناۆيا تۇبەگىندەگى سيكلون جىراسى اسەر ەتەدى. باريكالىق تۇزىلىمدەردىڭ اۋىسۋىمەن جانە اتموسفەرالىق پروتسەستەردىڭ ورشۋىمەن ق ر كوپ بولىگىندە جاۋىن- شاشىن (جاڭبىر، قار) ءتۇسىپ، جەلدىڭ جاياۋ بۇرقاسىنى كۇشەيۋى مۇمكىن. تەك ەلدىڭ ورتالىعىندا جاۋىن- شاشىنسىز اۋا رايى كۇتىلەدى. ق ر بويىنشا تۇمان مەن كوكتايعاق بولادى»، - دەپ جازدى سينوپتيكتەر.