ۆانۋانۋتۋ ارال مەملەكەتىندە ەكى رەت جەر سىلكىنىپ، سۋ تاسقىنى بولدى

4- ساناتتاعى «دجۋدي» سيكلونى ۇلكەن شىعىن كەلتىرىپ، بۇكىل ەلدە سۋ تاسقىنىنا سەبەپ بولدى. زارداپ شەككەندەر تۋرالى مالىمەت تۇسكەن جوق.

جەرگىلىكتى تۇرعىندار ەندى تاعى ءبىر ءىرى تروپيكالىق داۋىل - «كيەۆين» سيكلونىنا دايىندالۋدا.

130 كم/ساع جىلدامدىقپەن سوعىپ، 4- ساناتتاعى سيكلونعا اينالاتىن داۋىل الدىندا جۇزدەگەن ادام پورت- ۆيلاداعى ەۆاكۋاتسيالىق ورتالىقتارعا اعىلدى.

گۋمانيتارلىق ۇيىم قىزمەتكەرلەرى بۇل بۇرىن- سوڭدى بولماعان جاعداي دەپ وتىر.

«ۆانۋاتۋ تابيعي اپاتتارعا ۇيرەنگەن، ءبىراق مەنىڭ ويىمشا، بۇل ەكى سيكلون قاتارىنان ورىن الىپ وتىرعان ءبىرىنشى جاعداي»، - دەدى يۋنيسەف قىزمەتكەرى ەريك ديۋرپەر.

سارسەنبىدە «دجۋدي» سيكلونى ارالدىڭ سولتۇستىگىنەن وڭتۇستىككە قاراي ءوتىپ بارا جاتقاندا شاتىرلاردى جۇلىپ، جولداردى سۋ باسىپ، اعاشتاردى جۇلىپ اكەتتى. جەلدىڭ ماكسيمالدى جىلدامدىعى 200 كم/ساع- قا جەتتى.

ۆانۋاتۋ سياقتى تىنىق مۇحيتى ەلدەرى سوڭعى جىلدارى كليماتتىڭ وزگەرۋىنەن ەڭ كوپ زارداپ شەكتى. تەڭىز دەڭگەيىنىڭ كوتەرىلۋى، مۇحيتتىڭ قىشقىلدانۋى جانە تابيعي اپاتتاردىڭ جيىلىگى مەن اۋىرلىعىنىڭ ارتۋى بۇكىل ايماقتا قاتتى سەزىلەدى.