قازاقستاندا ازىق-تۇلىك ارزانداۋى مۇمكىن
بۇل دوللار باعامىنىڭ تۇسۋىنە بايلانىستى. وسىعان دەيىن امەريكالىق ۆاليۋتا كوتەرىلگەندە اس- سۋدىڭ، اسىرەسە يمپورت تاۋارلاردىڭ باعاسى شارىقتاعان. پرەمەر- ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ الداعى ەكى-ءۇش ايدا ينفلياتسيا دا تومەندەيدى دەپ سەندىرىپ وتىر، - دەپ حابارلايدى ك ت ك تەلەارناسى.
«وسى ايلاردا ينفلياتسيا شارىقتاۋ شەگىنە جەتتى، 20 پايىزدان استى. ەكى-ءۇش ايدان كەيىن تومەندەيدى. قازىردىڭ وزىندە ءبىز ناقتىلانعان بيۋدجەتتە ينفلياتسيا دەڭگەيىن 7,5-9,5 پايىز دەپ كورسەتتىك. سول بويىنشا جۇمىس ىستەيتىن بولامىز. جالپى، باعانىڭ تومەندەۋىن بولجاپ وتىرمىز»، - دەگەن ەدى جاماۋبايەۆ.
تەلەارنا مالىمەتىنشە، 1-ناۋرىزدان بەرى قور بيرجاسىندا ا ق ش اقشاسىنىڭ ايتارلىقتاي ارزانداعانى بايقالعان. استاناداعى اقشا ايىرباستاۋ ورىندارىندا دوللار ساتۋ باعامى بۇگىن 442 تەڭگە 25 تيىن، ال ساتىپ الۋ 438 تەڭگەنىڭ اينالاسىندا. ال ونىڭ ازىق-تۇلىك قۇنىنا اسەر ەتۋى ءۇشىن ەكونوميستەر تەڭگەنىڭ نىعايۋى ۋاقىتشا قۇبىلىس بولماۋى كەرەگىن ايتادى. ولاردىڭ بولجامى بويىنشا، دۇكەن سورەلەرىندەگى باعانىڭ تۇسۋىنە جارتى جىلداي ۋاقىت قاجەت.
«باستىسى، دوللار باعامىنىڭ ءارى قاراي دا تومەندەۋىندە. ەگەر تەڭگە بىرنەشە اي بويى كۇشەيۋىن جالعاستىرسا، سول كەزدە عانا باعاعا قانداي دا ءبىر اسەرىن بايقايتىن بولامىز. مۇنداي تاجىريبە قازاقستاندىقتارعا بۇرىننان بەلگىلى. كەم دەگەندە جارتى جىل كەرەك. تەڭگەنىڭ كۇشەيۋى ءبىر ساتتىك ەمەس ەكەنىنە كاسىپكەرلەردىڭ كوزى جەتۋى قاجەت»، - دەيدى ەكونوميكا ساراپشىسى اندرەي چەبوتاريەۆ.